തിരുവനന്തപുരം: ഏഷ്യൻ ഗെയിംസ് മെഡല്‍ ജേതാക്കള്‍ നേരിടുന്ന കടുത്ത സാമ്പത്തിക പ്രതിസന്ധികള്‍ക്ക് ഇനി അറുതിയാകുമെന്ന് മുഖ്യമന്ത്രി വി.ഡി. സതീശൻ. മത്സരങ്ങള്‍ക്കുള്ള ചെലവ് കണ്ടെത്താനാകാതെ താരങ്ങള്‍ വലയുന്ന സാഹചര്യം ഒഴിവാക്കുമെന്നും, ധനമന്ത്രി എന്ന നിലയില്‍ ഇനിമുതല്‍ ഒരാള്‍ക്കും ഫണ്ട് മുടങ്ങില്ലെന്നും അദ്ദേഹം ഉറപ്പുനല്‍കി. ജി.വി. രാജ കായിക പുരസ്കാരങ്ങള്‍ വിതരണം ചെയ്യുന്ന ചടങ്ങിലായിരുന്നു മുഖ്യമന്ത്രിയുടെ സുപ്രധാന പ്രഖ്യാപനം.
“നിങ്ങള്‍ എങ്ങോട്ടും പോകേണ്ടതില്ല, ഇവിടെ നിന്നാല്‍ നിങ്ങള്‍ക്ക് എല്ലാവിധ സൗകര്യങ്ങളും സർക്കാർ ഒരുക്കിത്തരും,” എന്ന് മുഖ്യമന്ത്രി കായിക താരങ്ങള്‍ക്ക് ആത്മവിശ്വാസം പകർന്നു. കായിക മേഖലയെ കൂടുതല്‍ കരുത്തുറ്റതാക്കാൻ മികച്ച താരങ്ങള്‍ക്ക് അർഹമായ സർക്കാർ ജോലി ഉറപ്പാക്കുമെന്നും, കേരളത്തില്‍ ഉടനീളം പുതിയ കളിസ്ഥലങ്ങള്‍ വ്യാപകമായി നിർമിക്കുമെന്നും അദ്ദേഹം വ്യക്തമാക്കി. യുവതലമുറ ലഹരിക്ക് അടിപ്പെടാതെ കായികരംഗത്ത് പൂർണ്ണ ശ്രദ്ധ പതിപ്പിക്കണമെന്നും മുഖ്യമന്ത്രി ആഹ്വാനം ചെയ്തു.
SUMMARY: Government honors Asian Games medal winners; V.D. Satheesan assures that financial assistance will not be interrupted
