തിരുവനന്തപുരം: വിവാഹം കഴിഞ്ഞ് പതിനൊന്നാം നാള്‍ നവവധുവിനെ തൂങ്ങിമരിച്ച നിലയില്‍ കണ്ടെത്തി. അയിരൂർ തച്ചോട് പൈപ്പിൻമൂടിന് സമീപം ‘തണല്‍’ വീട്ടില്‍ ജിഷയെയാണ് (30) സ്വന്തം വീട്ടില്‍ മരിച്ച നിലയില്‍ കണ്ടെത്തിയത്. ജിഷയുടെ രണ്ടാം വിവാഹമായിരുന്നു ഇത്. പതിനൊന്ന് ദിവസങ്ങള്‍ക്ക് മുൻപായിരുന്നു വിവാഹം നടന്നത്. വിദേശത്തുവെച്ചുണ്ടായ വാഹനാപകടത്തിലാണ് ജിഷയുടെ ആദ്യ ഭർത്താവ് മരണപ്പെട്ടത്.
ആദ്യ വിവാഹത്തില്‍ അഞ്ചും എട്ടും വയസ്സുള്ള രണ്ട് പിഞ്ചുകുട്ടികളുണ്ട്. വ്യാഴാഴ്ച രാവിലെയോടെയാണ് മുറിക്കുള്ളില്‍ ജിഷയെ തൂങ്ങിയ നിലയില്‍ കണ്ടെത്തിയത്. സംഭവത്തില്‍ അസ്വാഭാവിക മരണത്തിന് കേസെടുത്ത അയിരൂർ പോലീസ് അന്വേഷണം ആരംഭിച്ചിട്ടുണ്ട്. മൃതദേഹം ഇൻക്വസ്റ്റ് നടപടികള്‍ക്ക് ശേഷം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റി.
SUMMARY: A newlywed bride was found dead on the eleventh day after her wedding
