ബെംഗളൂരു: കർണാടകയിലെ ആറ് ലെജിസ്ലേറ്റീവ് കൗൺസിൽ സീറ്റുകളിലേക്കുള്ള തിരഞ്ഞെടുപ്പ് ജൂൺ മൂന്നിന് നടക്കും. തിരഞ്ഞെടുപ്പിന് മുന്നോടിയായുള്ള പ്രചാരണം ശനിയാഴ്ച വൈകീട്ടോടെ അവസാനിച്ചു.
മൂന്ന് ഗ്രാജ്വെറ്റ്, മൂന്ന് ടീച്ചേർസ് മണ്ഡലങ്ങളിലേക്കുമാണ് തിരഞ്ഞെടുപ്പ്. കർണാടക നോർത്ത്-ഈസ്റ്റ് ഗ്രാജ്വെറ്റ് മണ്ഡലത്തിൽ നിന്ന് തിരഞ്ഞെടുക്കപ്പെട്ട ഡോ. ചന്ദ്രശേഖർ ബി. പാട്ടീൽ, കർണാടക സൗത്ത്-വെസ്റ്റ് ഗ്രാജ്വേറ്റ് മണ്ഡലത്തിൽ നിന്നുള്ള അയനുരു മഞ്ജുനാഥ, ബെംഗളൂരു മണ്ഡലത്തിലെ എ. ദേവഗൗഡ, കർണാടക സൗത്ത്-ഈസ്റ്റ് ടീച്ചേർസ് മണ്ഡലത്തിലെ ഡോ. വൈ. എ. നാരായണസ്വാമി, എസ്.എ.ൽ ഭോജെ എന്നിവർ വിരമിക്കുന്നതിനെ തുടർന്നാണ് തിരഞ്ഞെടുപ്പ് നടക്കുന്നത്.
ജൂൺ 3ന് രാവിലെ 8 മുതൽ 4 വരെയാണ് വോട്ടെടുപ്പ്. ഗ്രാജ്വെറ്റ്സ് മണ്ഡലത്തിലും ടീച്ചേർസ് മണ്ഡലങ്ങളിലും യഥാക്രമം 3.63 ലക്ഷം, 70,260 വോട്ടർമാരാണുള്ളത്. ടീച്ചേർസ് മണ്ഡലങ്ങൾക്കായി 170 പോളിംഗ് സ്റ്റേഷനുകളും ഗ്രാജ്വെറ്റ്സ് മണ്ഡലങ്ങൾക്ക് 461 പോളിംഗ് സ്റ്റേഷനുകളും തിരഞ്ഞെടുപ്പ് കമ്മീഷൻ ക്രമീകരിച്ചിട്ടുണ്ട്.
TAGS: KARNATAKA, ELECTION, POLITICS
