മലപ്പുറം: മുട്ടിപ്പടിയില് കെഎസ്ആർടിസി ബസും ഓട്ടോയും കൂട്ടിയിടിച്ച് ഒരു കുടുംബത്തിലെ മൂന്ന് പേര് മരിച്ചു. മോങ്ങം ഒളമതില് സ്വദേശി അഷ്റഫ് (44) ഭാര്യ സാജിത (39),മകള് ഫിദ (14) എന്നിവരാണ് മരിച്ചത്.
മേല്മുറി മുട്ടിപ്പടിയിലാണ് അപകടമുണ്ടായത്. മൂവരും ഓട്ടോറിക്ഷയില് സഞ്ചരിച്ചവരാണ്. ഫിദയെ പ്ലസ് വണ്ണിന് ചേര്ക്കാന് മലപ്പുറം ഗേള്സ് ഗവണ്മെന്റ് ഹയര് സെക്കന്ഡറി സ്കൂളിലേക്ക് പോകുന്നതിനിടെ ഉച്ചയോടെയാണ് അപകടം നടന്നത്.
പാലക്കാട് നിന്ന് കോഴിക്കോട് ഭാഗത്തേക്ക് പോകുകയായിരുന്ന കെഎസ്ആർടിസി ബസിലേക്ക് എതിര്ദിശയില് നിന്ന് വന്ന ഓട്ടോറിക്ഷ ഇടിച്ചു കയറുകയായിരുന്നു. ഓട്ടോയുടെ നിയന്ത്രണം വിട്ടതാവാം അപകടത്തിന് കാരണമെന്നാണ് പ്രാഥമിക നിഗമനം. അഷറഫും മകള് ഫിദയും അപകടസ്ഥലത്ത് വെച്ചു തന്നെ മരിച്ചു. ആശുപത്രിയില് എത്തിയപ്പോള് ഫാത്തിമയും മരിച്ചു. മൂന്ന് മൃതദേഹങ്ങളും മഞ്ചേരി മെഡിക്കല് കോളജ് മോർച്ചറിയിലേക്ക് മാറ്റി.
<br>
TAGS : ACCIDENT | MALAPPURAM,
SUMMARY : KSRTC bus and auto collide in Malappuram. Three members of a family died
