ഭക്ഷണത്തില് പ്ലാസ്റ്റിക് കവര് കണ്ടെത്തിയതിനെ തുടര്ന്ന് ആരോഗ്യ വകുപ്പ് ഹോട്ടല് പൂട്ടിച്ചു. കോഴിക്കോട് പുറമേരിയിലെ ജനത ഹോട്ടലിനെതിരെയാണ് നടപടി. സാമ്പാറില് നിന്നാണ് പ്ലാസ്റ്റിക് കവര് കണ്ടെത്തിയത്. ഹോട്ടലില് ഊണ് കഴിക്കുന്നതിനിടെയാണ് സാമ്പാറില് പ്ലാസ്റ്റിക് കവര് ഉപഭോക്താവ് കണ്ടത്. എന്നാല് കടയിലെ ജീവനക്കാരന് കുഴപ്പമില്ല, പ്ളാസ്റ്റിക് സഞ്ചിയല്ലേയെന്ന മറുപടി നല്കിയതോടെയാണ് ഊണ് കഴിക്കാനെത്തിയ ആള് ആരോഗ്യ വകുപ്പിനെ വിവരം അറിയിച്ചത്. സംഭവത്തിന്റെ വീഡിയോ പ്രചരിക്കുന്നുണ്ട്.
പരാതിയുടെ അടിസ്ഥാനത്തില് ആരോഗ്യ വകുപ്പ് നടത്തിയ പരിശോധനയില് ഊണില് നിന്നും പ്ളാസ്റ്റിക് കവര് കണ്ടെടുത്തു. സംഭവത്തില് സ്ഥാപനത്തിന് പിഴ ചുമത്തുമെന്നും ആരോഗ്യ വകുപ്പ് അധികൃതര് അറിയിച്ചു. ലൈസൻസ്, തൊഴിലാളികളുടെ ഹെൽത്ത് കാർഡ്, കുടിവെള്ള പരിശോധന റിപ്പോർട്ട് എന്നിവ ഹാജരാക്കാൻ ഹോട്ടൽ ഉടമയോട് ആവശ്യപ്പെട്ടിട്ടുണ്ടെന്ന് ഹെൽത്ത് ഇൻസ്പെക്ടർ സുരേന്ദ്രൻ കല്ലേരി പറഞ്ഞു.
<br>
TAGS : FOOD SAFETY | KERALA | HOTEL
SUMMARY : Plastic cover on sambar served with meal; The hotel is closed
WhatsApp
Telegram
