തിരുവനന്തപുരം: തീവ്ര വോട്ടർ പട്ടിക പരിഷ്കരണത്തില്( എസ്ഐആര്) കരട് വോട്ടര് പട്ടികയില് നിന്ന് ഒഴിവാക്കിയവരില് അര്ഹരായവരെ ഉള്പ്പെടുത്താന് ഹെല്പ് ഡെസ്കുകള് തുടങ്ങാന് സംസ്ഥാന സര്ക്കാര് ഉത്തരവ്. വില്ലേജ് ഓഫീസുകള് കേന്ദ്രീകരിച്ച് രണ്ട് ഉദ്യോഗസ്ഥര്ക്ക് ചുമതല നല്കി ഹെല്പ് ഡെസ്കുകള് തുടങ്ങും. മലയോരതീര മേഖലകള് തുടങ്ങിയ സ്ഥലങ്ങളിലെത്തി ബോധവത്കരണം നടത്താന് അംഗനവാടി,ആശ വര്ക്കര്മാരെയും കുടുംബശ്രീ പ്രവര്ത്തകരെയും നിയോഗിക്കും.
കേരളം ഉള്പ്പടെ പതിനൊന്ന് സംസ്ഥാനങ്ങളിലെ എസ്ഐആര് കരടു പട്ടിക പ്രസിദ്ധീകരിച്ചപ്പോള് ഒഴിവായത് മൂന്നു കോടി എഴുപത് ലക്ഷം വോട്ടര്മാരാണ്. ഏറ്റവും കൂടുതല് വോട്ടര്മാര് ഒഴിവായത് തമിഴ്നാട്ടിലാണ്. അന്തിമ വോട്ടര് പട്ടിക ഫെബ്രുവരി 21 ന് പ്രസിദ്ധീകരിച്ച ശേഷമാകും കേരളം ഉള്പ്പെട അഞ്ചു സംസ്ഥാനങ്ങളിലെ തിരഞ്ഞെടുപ്പ് പ്രഖ്യാപിക്കുക.
SUMMARY: Revised voter list; Government to start help desks to find those excluded
