ബെംഗളൂരു: ബെംഗളൂരുവിൽ ഗതാഗതക്കുരുക്കിന് പരിഹരമായി ഊബർ. അടുത്ത വർഷത്തോടെ ഷട്ടിൽ സർവീസ് ആരംഭിക്കാനാണ് പദ്ധതി. റോഡിലെ വാഹനങ്ങളുടെ എണ്ണം കുറയ്ക്കുന്നതിന് ഷട്ടിൽ പോലുള്ള വലിയ വാഹനങ്ങൾ ബുക്ക് ചെയ്യാൻ യാത്രക്കാരെ പ്രാപ്തരാക്കുക എന്നതാണ് സർവീസ് ലക്ഷ്യമിടുന്നത്.
ഐടി മേഖലകൾ കേന്ദ്രീകരിച്ചാകും ഷട്ടിൽ സർവീസ് നടത്തുക. ഓട്ടോ, ടാക്സി സർവീസുകളേക്കാൾ ചെലവ് കുറഞ്ഞ യാത്രയാണ് ഊബർ ഷട്ടിൽ സർവീസ് വാഗ്ദാനം ചെയ്യുന്നത്. 35 സീറ്റുകളുള്ള ബസുകളാകും സർവീസ് നടത്തുക. ബെംഗളൂരുവിൽ ഷട്ടിൽ സർവീസ് അവതരിപ്പിക്കാൻ കമ്പനി വിവിധ പങ്കാളികളുമായി ചർച്ച നടത്തിവരികയാണെന്ന് ഊബർ ഇന്ത്യയുടെ പ്രസിഡൻ്റ് പ്രഭ്ജീത് സിങ് പറഞ്ഞു. ഊബർ ബസുകൾ ബെംഗളൂരു നഗരത്തിൽ ഷട്ടിൽ സർവീസിൻ്റെ ഭാഗമാക്കുകയെന്നത് വലിയ ആശയമാണ്. പദ്ധതിക്ക് അംഗീകാരം ലഭിച്ചാൽ ഹെബ്ബാളിനും ഔട്ടർ റിങ് റോഡിലെ ടെക് ഹബ്ബിനും ഇടയിൽ ഷട്ടിൽ സർവീസ് നടത്താനാണ് തീരുമാനമെന്ന് പ്രഭ്ജീത് സിങ് പറഞ്ഞു.
TAGS: BENGALURU | UBER
SUMMARY: Bengaluru to have uber shuttle service by next year
