ബെംഗളൂരു: ട്രക്കും കാറും കൂട്ടിയിടിച്ചുണ്ടായ അപകടത്തിൽ മൂന്ന് മരണം. കലബുറഗി ചിഞ്ചോളി താലൂക്കിലെ മഗദംപൂരിന് സമീപം തിങ്കളാഴ്ചയാണ് അപകടമുണ്ടായത്. സംഭവത്തിൽ മൂന്ന് പേർക്ക് പരുക്കേൽക്കുകയും ചെയ്തു.
കാറിലുണ്ടായിരുന്ന അവിനാശ് (24), അഭിഷേക് (26), സഞ്ജീവ് (40) എന്നിവരാണ് മരിച്ചത്. ബീദറിൽ നിന്ന് തെലങ്കാനയിലെ ധാരൂരിലേക്ക് പോകുകയായിരുന്ന കാറും, തെലങ്കാനയിൽ നിന്ന് ചിഞ്ചോളിയിലേക്ക് വരികയായിരുന്ന ട്രക്കും നേർക്കുനേർ ഇടിച്ചാണ് അപകടമുണ്ടായത്. പരുക്കേറ്റവരെ അടുത്തുള്ള ആശുപത്രിയിൽ പ്രവേശിപ്പിച്ചു. സംഭവത്തിൽ കുഞ്ചാവരം പോലീസ് കേസെടുത്തു.
TAGS: KARNATAKA | ACCIDENT
SUMMARY: Three dies in Truck car collision karnataka
