ബെംഗളൂരു: മൈസൂരു ദസറയ്ക്കിടെ ആക്രമമുണ്ടാക്കുമെന്ന് ഇ-മെയിൽ വഴി ഭീഷണി സന്ദേശം അയച്ച സംഭവത്തിൽ മൈസൂരു സിറ്റി പോലീസ് കേസെടുത്ത് അന്വേഷണം തുടങ്ങി. ഒക്ടോബർ 10 നാണ് ഇ-മെയിൽ സന്ദേശമെത്തിയതെന്ന് പോലീസ് പറഞ്ഞു. മഹന്ദേഷ് എന്ന പേരിലുള്ള ഇ-മെയിൽ വിലാസത്തിൽ നിന്നാണ് സന്ദേശമെത്തിയതെന്നും പോലീസ് പറഞ്ഞു. സിറ്റി പോലീസ് കമ്മീഷണർ സീമാ ലട്കറുടെ നിർദേശ പ്രകാരം സൈബർ, ഇക്കണോമിക്സ് ആൻഡ് നാർക്കോട്ടിക് ക്രൈംസ് പോലീസ് സ്റ്റേഷനിലാണ് കേസ് രജിസ്റ്റർ ചെയ്തത്. ഇ-മെയിലിന്റെ ഉറവിടം കണ്ടെത്താൻ പോലീസ് സമഗ്രമായ അന്വേഷണം ആരംഭിച്ചിട്ടുണ്ട്.
SUMMARY: Police have registered a case following a threatening message warning of an attack during Dussehra.
