മുംബൈ: യാത്രക്കാർക്ക് പുതുവർഷ ഓഫർ പ്രഖ്യാപിച്ച്‌ എയർ ഇന്ത്യ എക്സ്പ്രസ്. ലൈറ്റ്, വാല്യൂ എന്നിങ്ങനെ രണ്ട് ഓഫറുകളുള്ള ന്യൂ ഇയർ സെയില്‍ ആണ് എയർ ഇന്ത്യ എക്സ്പ്രസ് അവതരിപ്പിച്ചിരിക്കുന്നത്. എയർലൈനിൻ്റെ ഔദ്യോഗിക വെബ്‌സൈറ്റായ – www.airindiaexpress.com വഴിയോ ഔദ്യോഗിക മൊബൈല്‍ ആപ്ലിക്കേഷൻ വഴിയോ ടിക്കറ്റ് ബുക്ക് ചെയ്യാം.
1,448 രൂപ മുതലാണ് ഫ്ലൈറ്റ് ടിക്കറ്റുകള്‍ ലഭ്യമാകുക. ഓഫർ നിരക്കില്‍ അടിസ്ഥാന നിരക്ക്, നികുതികള്‍, എയർപോർട്ട് നിരക്കുകള്‍ എന്നിവ ഉള്‍പ്പെടുന്നു. എന്നാല്‍ കണ്‍വീനിയൻസ് ഫീസോ അനുബന്ധ സേവനങ്ങളോ ഉള്‍പ്പെടുന്നില്ല. 2025 ജനുവരി 8 മുതല്‍ 2025 സെപ്റ്റംബർ 20 വരെയുള്ള യാത്രയ്‌ക്കായി ജനുവരി 5 വരെ നടത്തിയ ബുക്കിംഗുകള്‍ക്ക് ലൈറ്റ് ഓഫറിന് കീഴില്‍ 1,448 മുതലും വാല്യൂ ഓഫറിന് കീഴില്‍ 1,599 രൂപ മുതലുമാണ് ടിക്കറ്റ് നിരക്ക്.
അതുപോലെ പൂർത്തിയാക്കിയ ബുക്കിംഗുകള്‍ക്ക് മാത്രമേ ഓഫർ ബാധകമാകൂ. ഇടപാട് പൂർണ്ണമായും റദ്ദാക്കിയാല്‍ ബുക്കിംഗ് ഓഫറിന് യോഗ്യമല്ല. ആദ്യം വരുന്നവർക്ക് ആദ്യം എന്ന അടിസ്ഥാനത്തിലാണ് ഓഫർ ലഭ്യമാകുക. എല്ലാ റൂട്ടുകള്‍ക്കും ഇത് ലഭ്യമായേക്കാം, എന്നാല്‍ സീറ്റുകള്‍ പരിമിതമാണ്.
സീറ്റുകള്‍ വിറ്റുതീർന്നാല്‍ സാധാരണ നിരക്കുകള്‍ ഈടാക്കും. പേയ്‌മെൻ്റുകള്‍ നടത്തിയതിന് ശേഷം എയർ ഇന്ത്യ എക്സ്പ്രസ് റീഫണ്ടുകള്‍ നല്‍കില്ല. കൂടാതെ റദ്ദാക്കല്‍ ഫീസ് എയർലൈനിൻ്റെ ഔദ്യോഗിക വെബ്‌സൈറ്റില്‍ വ്യക്തമാക്കിയ രീതിയിലായിരിക്കും.
TAGS : AIR INDIA
SUMMARY : Air India Express with new year offer
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.