ബെംഗളൂരു: നമ്മ മെട്രോ യെല്ലോ ലൈനിലെ ട്രെയിൻ സർവീസ് ഈ വർഷം ഏപ്രിൽ അവസാനത്തോടെ ആരംഭിക്കുമെന്ന് ബിഎംആർസിഎൽ അറിയിച്ചു. നിലവിൽ യെല്ലോ ലൈനിലെ പ്രവർത്തനങ്ങൾ അവസാനഘട്ടത്തിലാണ്. ട്രെയിനുകൾക്കായി ട്രാക്കുകൾ തയ്യാറായെങ്കിലും ട്രെയിൻ സെറ്റുകൾ വിതരണം ചെയ്യുന്നതിലെ കാലതാമസം കാരണമാണ് സർവീസ് നീണ്ടുപോകുന്നത്.
നിലവിൽ, ലൈനിൽ രണ്ട് ട്രെയിൻ സെറ്റുകൾ പ്രവർത്തനത്തിന് തയ്യാറാണ്. ജനുവരി 20ഓടെ രണ്ട് ട്രെയിനുകൾ കൂടി ബെംഗളൂരുവിൽ എത്തുമെന്ന് ബിഎംആർസിഎൽ ഉദ്യോഗസ്ഥർ പറഞ്ഞു. പരീക്ഷണ ഓട്ടത്തിനുള്ള തയ്യാറെടുപ്പുകളും ബിഎംആർസിഎൽ ആരംഭിച്ചു. ഇതിന് ഏകദേശം ഒന്നര മാസം എടുക്കുമെന്ന് ഉദ്യോഗസ്ഥർ പറഞ്ഞു.
പരീക്ഷണ ഓട്ടം പൂർത്തിയായിക്കഴിഞ്ഞാൽ, വാണിജ്യ പ്രവർത്തനങ്ങൾക്ക് ലൈൻ തയ്യാറാകും. ലോഞ്ച് തീയതി അന്തിമമാക്കാൻ ബിഎംആർസിഎൽ കേന്ദ്ര, സംസ്ഥാന സർക്കാരുകൾക്ക് കത്തെഴുതിയിട്ടുണ്ട്. ആർവി റോഡ് മുതൽ ബൊമ്മസാന്ദ്ര വരെയുള്ള 19.5 കിലോമീറ്റർ ദൂരത്തിൽ 16 മെട്രോ സ്റ്റേഷനുകൾ ഉണ്ടാകും. തുടക്കത്തിൽ, ഓരോ 30 മിനിറ്റിലും ട്രെയിനുകൾ ഓടും. ഒക്ടോബറിന് ശേഷം ട്രെയിൻ സർവീസുകൾ തമ്മിലുള്ള ഇടവേളകൾ 10 മിനുറ്റായി കുറയ്ക്കും.
TAGS: BENGALURU | NAMMA METRO
SUMMARY: BMRCL to start operations on yellow line by April with four train sets
