ബെംഗളൂരു: നികുതി വെട്ടിപ്പ് നടത്തിയതുമായി ബന്ധപ്പെട്ട് റിയൽ എസ്റ്റേറ്റ് ഡെവലപ്പറായ പ്രസ്റ്റീജ് ഗ്രൂപ്പിന്റെ വിവിധ സ്ഥാപനങ്ങളിൽ ആദായ നികുതി വകുപ്പിന്റെ (ഐടി) റെയ്ഡ്. ചൊവ്വാഴ്ച രാവിലെയാണ് റെയ്ഡ് നടന്നത്. എംജി റോഡിന് സമീപമുള്ള ബ്രണ്ടൺ റോഡിലുള്ള ഗ്രൂപ്പിന്റെ ഹെഡ് ഓഫീസിലും ശിവാജി നഗറിലെ മറ്റ് സ്ഥലങ്ങളിലുമാണ് റെയ്ഡ് നടത്തിയത്.
ഡൽഹി, ഗോവ, ബെംഗളൂരു എന്നിവിടങ്ങളിൽ നിന്നുള്ള ഉദ്യോഗസ്ഥരുടെ നേതൃത്വത്തിൽ ഒരേസമയം നിരവധി വാഹനങ്ങളിലായി എത്തിയായിരുന്നു റെയ്ഡ്. അപ്പാർട്ട്മെന്റ് സമുച്ചയങ്ങൾ, മാളുകൾ, ഓഫീസ് സ്ഥലങ്ങൾ എന്നിവയുടെ നിർമ്മാണം ഉൾപ്പെടെ വിവിധ ബിസിനസുകളുള്ള ഗ്രൂപ്പിന്റെ പേരിൽ നികുതി വെട്ടിപ്പ് നടത്തിയതായി ആരോപണങ്ങൾ ഉയർന്നിരുന്നു. ഇതിന്റെ അടിസ്ഥാനത്തിലാണ് നടപടി. പരിശോധനയിൽ നിർണായക രേഖകൾ കണ്ടെടുത്തയായാണ് വിവരം.
TAGS: BENGALURU
SUMMARY: Income Tax officials raid prominent builder in Bengaluru
