കൊച്ചി: നടൻ ഷൈൻ ടോം ചാക്കോ പോലീസിന് മുന്നില് എത്രയും വേഗം ഹാജരാവണമെന്ന് നിർദേശം. ഇതുമായി ബന്ധപ്പെട്ട് പോലീസ് ഇന്ന് നോട്ടീസ് അയക്കും. പരിശോധനക്കിടെ ഹോട്ടലില് നിന്ന് എന്തിന് ഓടിപ്പോയെന്ന് താരം വിശദീകരിക്കണം. നോട്ടീസ് ലഭിച്ച് 5 ദിവസത്തിനകം ഷൈൻ ഹാജരാകണമെന്നും നിർദേശം ഉണ്ട്. എസിപി മേലുദ്യോഗസ്ഥരുമായി നടത്തിയ കൂടിക്കാഴ്ചയിലാണ് പുതിയ തീരുമാനം.
ഇന്നലെയാണ് ഷൈൻ ഹോട്ടലില് നിന്ന് ഓടി രക്ഷപ്പെടുന്ന ദൃശ്യങ്ങള് പുറത്ത് വന്നത്. കഴിഞ്ഞ 5 ദിവസമായി പോലീസിന്റെ നിരീക്ഷണത്തിലായിരുന്നു ഷൈൻ. നടനെ തേടി പോലീസ് സംഘം മുറിയിലേക്ക് എത്തി. അപ്പോഴാണ് ഡാൻസാഫ് സംഘത്തെ വെട്ടിച്ച് ഹോട്ടല് മുറിയില് നിന്ന് ഷൈൻ ഓടിപ്പോയത്. ഷൈനിന്റെ മുറിയിലെത്തിയ രണ്ട് സുഹൃത്തുക്കളുടെ മൊഴിയും പോലീസ് രേഖപ്പെടുത്തിയിരുന്നു.
ഇവർക്ക് ലഹരി ഉപയോഗവുമായി ബന്ധമില്ലെന്നും പോലീസ് സ്ഥിരീകരിച്ചിട്ടുണ്ട്. അതേസമയം, ഷൈന് ടോം ചാക്കോയുടെ ലഹരി ഉപയോഗം വീണ്ടും ചര്ച്ചയായ സാഹചര്യത്തില് കൊക്കെയ്ന് കേസിലെ വിചാരണക്കോടതി വിധിക്കെതിരെ അപ്പീല് നല്കാന് സര്ക്കാര്. എറണാകുളം അഡീഷണല് സെഷന്സ് കോടതി വിധിക്കെതിരെ ഹൈക്കോടതിയില് അപ്പീല് നല്കും. വിചാരണക്കോടതി ഉത്തരവ് പരിശോധിച്ച ശേഷം പ്രൊസിക്യൂഷന് തീരുമാനമെടുക്കും.
TAGS : SHINE TOM CHACKO
SUMMARY : Shine Tom Chacko will be served with a notice to appear, asking him to explain why he ran away
WhatsApp
Telegram
