ന്യൂഡല്‍ഹി: സഞ്ജയ് ഭണ്ഡാരി കള്ളപ്പണം വെളുപ്പിക്കല്‍ കേസുമായി ബന്ധപ്പെട്ട് വ്യവസായിയും കോണ്‍ഗ്രസ് എംപി പ്രിയങ്ക ഗാന്ധിയുടെ ഭര്‍ത്താവുമായ റോബര്‍ട്ട് വാദ്ര എന്‍ഫോഴ്സ്മെന്റ് ഡയറക്ടറേറ്റിന് മുമ്പാകെ ഹാജരായി. കള്ളപ്പണം വെളുപ്പിക്കല്‍ നിരോധന നിയമപ്രകാരമുള്ള (പിഎംഎല്‍എ) നിയമലംഘനങ്ങള്‍ക്ക് ഭണ്ഡാരി അന്വേഷണം നേരിടുന്നതിനാല്‍ വിദേശ സ്വത്തുക്കളും സാമ്പത്തിക ഇടപാടുകളും സംബന്ധിച്ച ആരോപണങ്ങളുമായി ബന്ധപ്പെട്ടതാണ് കേസ്.
അന്വേഷണ ഉദ്യോഗസ്ഥരുടെ സമന്‍സ് ലഭിച്ചതിനെ തുടര്‍ന്നാണ് ഡല്‍ഹിയിലെ ഇഡി ഓഫീസില്‍ വെച്ച്‌ വാദ്ര അന്വേഷണത്തില്‍ ചേര്‍ന്നതെന്ന് ഉദ്യോഗസ്ഥര്‍ പറഞ്ഞു. ഇതേ കേസില്‍ ഏജന്‍സി മുമ്പ് പലതവണ അദ്ദേഹത്തെ ചോദ്യം ചെയ്തിരുന്നു. 56 കാരനായ വാദ്രയെ കഴിഞ്ഞ മാസം മൊഴി നല്‍കാന്‍ ഏജന്‍സി വിളിപ്പിച്ചിരുന്നു, എന്നാല്‍ വിദേശയാത്ര ചെയ്യേണ്ടി വന്നതിനാല്‍ സമന്‍സ് മാറ്റിവയ്ക്കണമെന്ന് അദ്ദേഹം ആവശ്യപ്പെട്ടിരുന്നു.
SUMMARY: Money laundering case: Robert Vadra appears before ED
WhatsApp
Telegram
