ബെംഗളൂരു: മലയാളം മിഷൻ കർണാടക ചാപ്റ്റർ മൈസൂരു മേഖല അധ്യാപക സംഗമം മൈസൂരുവിലെ കെ.സി ലേഔട്ടിൽ നടന്നു. ചാപ്റ്റർ പ്രസിഡൻറ് കെ. ദാമോദരൻ, വൈസ് പ്രസിഡൻറ് സുരേഷ് ബാബു, സെക്രട്ടറി ഹിത വേണുഗോപാലൻ, അക്കാദമിക് കോഡിനേറ്റർ മീര നാരായണൻ, മേഖലാ കൺവീനർ പ്രദീപ്കുമാർ, റിസോഴ്സ് അധ്യാപകരായ ഷൈനി പ്രകാശൻ, ജിൻസി ജിജിൻ, ഡിഫൻസ് ഫുഡ് റിസർച്ച് ലബോറട്ടറിയിലെ സയന്റിസ്റ്റ് ഡോ. സഞ്ജീവ് കുമാർ, കെ പി എൻ.പൊതുവാൾ, സുരേഷ് ബാബു എന്നിവർ മുഖ്യാതിഥികളായി.
മൈസൂരു മേഖലയിലെ 14 സെൻ്ററുകളിൽ നിന്നായി മുപ്പതോളം അധ്യാപകർ ഒരു ദിവസം മുഴുവൻ നീണ്ടുനിന്ന അധ്യാപക സംഗമത്തിൽ പങ്കുചേർന്നു. മേഖലയിലെ മലയാളം മിഷന്റെ ആദ്യ അധ്യാപിക സുധ, മേഖലയിലെ മുൻകോഡിനേറ്ററും ഇപ്പോഴത്തെ ചാപ്റ്റർ വൈസ് പ്രസിഡണ്ടുമായ സുരേഷ് ബാബു എന്നിവരെ ചടങ്ങില് ആദരിച്ചു.
മേഖലയിൽ നിന്ന് കേരള ഗവൺമെൻറ് നടത്തിയ നീലക്കുറിഞ്ഞി പരീക്ഷ എഴുതിയ ആർദ്ര, അനുശ്രീ എന്നിവർക്ക് കോഴ്സ് കംപ്ലീറ്റ് സർട്ടിഫിക്കറ്റ് കെ. ദാമോദരൻ വിതരണം ചെയ്തു. മേഖലയിലെ അധ്യാപകർ നേരിടുന്ന ബുദ്ധിമുട്ടുകളും പ്രവേശനോത്സവം അടക്കമുള്ള തുടർ പ്രവർത്തനങ്ങളും സംഗമത്തിൽ ചർച്ചയായി.മലയാളഭാഷയിലൂടെ കേരള സംസ്കാരം വളർത്തിയെടുക്കാനുള്ള അധ്യാപകരുടെ നിസ്വാർത്ഥ പ്രവർത്തനങ്ങളെ ചാപ്റ്റർ പ്രസിഡൻറ് അഭിനന്ദിച്ചു. അധ്യാപകരായ അജിത, സൂസമ്മ, അനിത, സുചിത്ര അംബരീഷ് എന്നിവർ പ്രവർത്തനങ്ങൾക്ക് മേൽനോട്ടം വഹിച്ചു.
SUMMARY: Malayalam Mission Karnataka Chapter Mysore Region Teachers’ Meet
WhatsApp
Telegram
