കൊല്ലം: പത്തനാപുരത്ത് ക്ലിനിക്കില് കയറി വനിതാ ഡോക്ടറെ പീഡിപ്പിക്കാൻ ശ്രമിച്ച യുവാവ് പിടിയില്. പത്തനാപുരം കാരംമൂട് സ്വദേശി സല്ദാൻ(25) ആണ് അറസ്റ്റിലായത്. കഴിഞ്ഞ ദിവസം വൈകിട്ടായിരുന്നു കേസിനസ്പദമായ സംഭവം. വനിതാ ദന്ത ഡോക്ടറുടെ വായില് തുണി തിരുകിയ ശേഷം ഇയാള് പീഡിപ്പിക്കാൻ ശ്രമിക്കുകയായിരുന്നു.
ഡോക്ടർ ഇയാളില് നിന്ന് ഓടി രക്ഷപ്പെടുകയും നാട്ടുകാരെ വിളിച്ച് കൂട്ടുകയുമായിരുന്നു. നാട്ടുകാര് ഓടിക്കൂടിയതിനെ തുടര്ന്നാണ് പ്രതിയെ പിടികൂടിയത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. കേസില് വിശദമായ അന്വേഷണം നടത്തി വരികയാണെന്ന് പോലീസ് അറിയിച്ചു.
SUMMARY: Young man arrested for trying to rape female doctor
