ബെംഗളൂരു: അമിതവേഗതയിൽ വന്ന സ്വകാര്യ ബസിന്റെ ടയർ പൊട്ടി നിയന്ത്രണം വിട്ട് ബൈക്കില്‍ ഇടിച്ച് ബൈക്ക് യാത്രികരായ രണ്ടു പേര്‍ മരണപ്പെട്ടു. മഗഡി ഹനുമന്തയ്യന പാളയയ്ക്ക് സമീപം ബുധനാഴ്ച ഉച്ചയ്ക്കാണ് അപകടമുണ്ടായത്. മഗഡി അരലക്കുപ്പെ സ്വദേശി ഗംഗമ്മ, മരുമകൻ ശിവണ്ണഗൗഡ എന്നിവരാണ് മരിച്ചത്. ഗംഗമ്മയുടെ മകന്റെ വീട്ടിലേക്കുള്ള യാത്രക്കിടെയാണ് അപകടമുണ്ടായത്. ഇരുവരും തൽക്ഷണം മരിച്ചു. മഗഡി പോലീസ് കേസ് രജിസ്റ്റർ ചെയ്തിട്ടുണ്ട്, കൂടുതൽ അന്വേഷണം നടന്നുവരികയാണ്.
SUMMARY: Private bus loses control after tire bursts, hits bike; two dead
