തിരൂരില്‍ നിന്നും കാണാതായ മ​ല​യാ​ളി ബാ​ല​ന്‍ ഷാ​ദി​ലി​നെ ക​ണ്ടെ​ത്താ​നായി ബെംഗ​ളൂ​രു​വി​ൽ തി​ര​ച്ചി​ൽ ഊ​ർ​ജി​തം

ബെംഗളൂരു: മ​ല​പ്പുറം തിരൂരില്‍ നിന്നും കാണാതായ മ​ല​യാ​ളി ബാ​ലനെ കണ്ടെത്താനായി ബെംഗ​ളൂ​രു​വി​ൽ തി​ര​ച്ചി​ൽ ഊര്‍ജിതം. ച​മ്ര​വ​ട്ടം പു​തു​പ്പ​ള്ളി ന​മ്പ്രം നീ​റ്റി​യാ​ട്ടി​ൽ സ​ക്കീ​ർ- സു​ബൈ​ദ ദ​മ്പ​തി​ക​ളു​ടെ മ​ക​ൻ മു​ഹ​മ്മ​ദ് ഷാ​ദി​ലി​(15)നെയാണ് ഈ ​മാ​സം 22 മു​തല്‍ ​നാട്ടില്‍ നിന്നും കാ​ണാ​താ​യ​ത്. തി​​രൂ​ർ റെ​യി​ൽ​വേ സ്റ്റേ​ഷ​നി​ൽ​നി​ന്ന് ക​ണ്ണൂ​ർ- യ​ശ്വ​ന്ത്പു​ര എ​ക്സ്പ്ര​സി​ൽ ക​യ​റി പി​റ്റേ​ദി​വ​സം രാ​വി​ലെ യ​ശ്വ​ന്ത്പൂ​രി​ൽ ഇ​റ​ങ്ങി​യ​തായി വി​വ​രം ലഭിച്ചതിനെ തുടര്‍ന്നാണ്‌ ബെംഗളൂരുവില്‍ തിരച്ചല്‍ നടത്തുന്നത്.

ഷാ​ദി​ല്‍ യ​ശ്വ​ന്ത്പു​ര റെ​യി​ൽ​വേ സ്റ്റേ​ഷ​നി​ൽ ഇ​റ​ങ്ങു​ന്ന​തി​ന്റെ​യും പിന്നീട്​ യ​ശ്വ​ന്ത്പു​ര എപിഎംസി മാ​ർ​ക്ക​റ്റ് യാ​ർ​ഡി​ലൂ​ടെ ന​ട​ന്നു​പോ​കു​ന്ന​തി​ന്റെ​യും സി.​സി ടി.​വി ദൃ​ശ്യ​ങ്ങ​ൾ ല​ഭി​ച്ചി​ട്ടു​ണ്ട്. ഇതിന്റെ അടിസ്ഥാനത്തില്‍ യശ്വന്ത്പുരയുടെ വിവിധ ഭാഗങ്ങൾ കേന്ദ്രീകരിച്ചാണ് നിലവിൽ തിരച്ചൽ നടക്കുന്നത്. ബെംഗ​ളൂ​രു​വി​ലെ വിവിധ മ​ല​യാ​ളി കൂട്ടായ്മകള്‍ തി​ര​ച്ചി​ലി​ൽ പ​ങ്കാ​ളി​ക​ളാ​യി​ട്ടു​ണ്ട്. ഷാ​ദി​ലി​​നെ കാണാതായതുമായി ബ​ന്ധ​പ്പെ​ട്ട് തി​രൂ​ർ പോ​ലീ​സും നാട്ടുകാരില്‍ ചിലരും ബെംഗ​ളൂ​രു​വി​ലെ​ത്തി​യി​ട്ടു​ണ്ട്. യ​ശ്വ​ന്ത്പു​ര റെ​യി​ൽ​വേ പോലീ​സി​ലും സ്റ്റേ​ഷ​ൻ മാ​സ്റ്റ​ർ​ക്കും യ​ശ്വ​ന്ത്പു​ര പോ​ലീ​സ് സ്റ്റേ​ഷ​നി​ലും പ​രാ​തി ന​ൽ​കിയിട്ടുണ്ട്.

മു​ണ്ടും ക​റു​ത്ത ഷ​ർ​ട്ടു​മാ​ണ് സി.​സി ടി.​വി ദൃ​ശ്യ​ങ്ങളില്‍ നിന്നും പ്ര​കാ​രമുള്ള ഷാ​ദി​ലിന്റെ വേ​ഷം. ഷാ​ദി​ലി​നെ കു​റി​ച്ച് വി​വ​രം ല​ഭി​ക്കു​ന്ന​വ​ർ അ​ടു​ത്തു​ള്ള പോലീ​സ് സ്റ്റേ​ഷ​നി​ലോ 8861400250, 9544773169, 9656030780 ന​മ്പ​റു​ക​ളി​ലോ അ​റി​യി​ക്ക​ണം.
SUMMARY: Searching for malayali boy shadil in bengaluru