ബെംഗളൂരു: ടി. ദാസറഹള്ളി ഹെസർഘട്ട റോഡ് മൗണ്ട്‌ഷെപ്പേർഡ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസിന്റെ വാർഷിക ആഘോഷം ‘തകജം 20K25 ചൊവ്വാഴ്ച രാവിലെ 10 മണി മുതൽ കോളേജ് ക്യാമ്പസിൽ നടക്കും.
പുറത്തിറങ്ങാനിരിക്കുന്ന മലയാള ചലച്ചിത്രം ഇന്നസെന്റിന്റെ സംവിധായകൻ സതീശ് തൻവി, അഭിനേതാക്കളായ അൽത്താഫ്, അനാർക്കലി മരക്കാർ, ജൊയ്മോൻ ജ്യോതിർ, ഉണ്ണിലാലു, വിനീത് തട്ടിൽ, അന്ന പി. പ്രസാദ്, നിർമാതാക്കളായ ശ്രീരാജ് എകെഡി, നജ്മുദ്ദീൻ എന്നിവർ അടക്കമുള്ള സിനിമയുടെ അണിയറ പ്രവർത്തകർ പരിപാടിയിൽ പങ്കെടുക്കും. ഈ മാസം ഏഴിന് റിലീസിംഗ് തീയതി നിശ്ചയിച്ചിരിക്കുന്ന ചിത്രത്തിന്റെ പ്രമോഷൻ പ്രവർത്തനങ്ങളുടെ ഭാഗമായാണ് സംഘം കോളേജിൽ എത്തുന്നത്. ഇവര്‍ വിദ്യാര്‍ഥികളുമായി സംവദിക്കും.
കോളേജ് വിദ്യാർഥികൾ അവതരിപ്പിക്കുന്ന വിവിധ കലാപരിപാടികളും തുടർന്ന് അരങ്ങേറും. പരിപാടിയിൽ ഏവരെയും സ്വാഗതം ചെയ്യുന്നതായി കോളേജ് അധികൃതർ അറിയിച്ചു. കൂടുതൽ വിവരങ്ങൾക്ക്: 8095602432
SUMMARY: Mount Shepherd Group of Institutions’ anniversary celebration tomorrow: ‘Innocent’ stars Altaf, Anarkali and others will participate
