കൊല്ലം: ശബരിമല സ്വർണക്കവർച്ചക്കേസില്‍ അറസ്റ്റിലായ മുൻതിരുവാഭരണം കമ്മീഷണർ കെ എസ് ബൈജുവിന്റെ ജാമ്യാപേക്ഷ തള്ളി. കൊല്ലം വിജിലൻസ് കോടതിയാണ് ജാമ്യാപേക്ഷ തള്ളിയത്. ഇന്ന് വൈകുന്നേരം നാല് മണിവരെ ബൈജുവിനെ എസ്‌ഐടി കസ്റ്റഡിയില്‍ വിട്ടിരിക്കുകയാണ്. പ്രത്യേക അന്വേഷണ സംഘം ബൈജുവിനെ വിശദമായി വീണ്ടും ചോദ്യം ചെയ്യും.
ബൈജുവിനെ കസ്റ്റഡിയില്‍ വാങ്ങാൻ അന്വേഷണ സംഘം അപേക്ഷ നല്‍കിയിരുന്നു. ദ്വാരപാലകശില്പങ്ങളുമായി ബന്ധപ്പെട്ട കേസിലാണ് ബൈജുവിനെ കസ്റ്റഡിയില്‍ വാങ്ങിയിരിക്കുന്നത്. പോലീസ് ക്ലബില്‍ വിശദമായ ചോദ്യം ചെയ്യല്‍ നടക്കും. അതിനുശേഷം ബൈജുവിനെ വീണ്ടും കോടതിയില്‍ ഹാജരാക്കും. കട്ടിളപ്പാളിക്കേസിലാണ് ബൈജു ജാമ്യാപേക്ഷ സമർപ്പിച്ചത്.
കേസന്വേഷണത്തിനിടയില്‍ ജാമ്യത്തില്‍ വിടുന്നത് ബുദ്ധിമുട്ടുണ്ടാക്കുമെന്ന നിരീക്ഷണത്തിലാണ് കോടതി ജാമ്യാപേക്ഷ തള്ളിയത്. ശബരിമല സ്വർണക്കവർച്ചാകേസിലെ ഒന്നാം പ്രതിയായ ഉണ്ണികൃഷ്ണൻ പോറ്റിക്ക് മഹസർ തയ്യാറാക്കി കൊടുത്തുവിടുമ്പോൾ തിരുവാഭരണ കമ്മീഷണർ ബൈജുവായിരുന്നു.
പാളികള്‍ സന്നിധാനത്ത് നിന്നുകൊണ്ടുപോകുമ്പോഴും ഭാരം അടയാളപ്പെടുത്തുമ്പോഴും ബൈജു ഉണ്ടായിരുന്നില്ല. ഈ സംഭവങ്ങളില്‍ ഗൂഢാലോചന ഉണ്ടെന്നാണ് എസ്‌ഐടിയുടെ കണ്ടെത്തല്‍. കേസിലെ നാലാം പ്രതിയും തിരുവിതാംകൂർ ദേവസ്വം ബോർഡ് മുൻ സെക്രട്ടറി എസ്. ജയശ്രീ, ആറാംപ്രതി മുൻ അഡ്മിനിസ്ട്രേറ്റീവ് ഓഫീസർ എസ്. ശ്രീകുമാർ എന്നിവരുടെ മുൻകൂർ ജാമ്യഹർജികള്‍ ഹൈക്കോടതി വിധിപറയാൻ മാറ്റി.
SUMMARY: Sabarimala gold robbery: Former Thiruvabharanam commissioner’s bail plea rejected
WhatsApp
Telegram
