ബെംഗളൂരു: നെലമംഗല ശ്രീ ബസവണ്ണദേവ മഠത്തിൽ കന്നഡ കവിസമ്മേളനവും, 251 കവികൾ രചിച്ച ബുദ്ധ – ബസവ- ഭീമ ബൃഹത് കവിതാ സമാഹാരത്തിൻ്റെ പ്രകാശനവും സംഘടിപ്പിച്ചു. ചടങ്ങില്‍ ദ്രാവിഡ ഭാഷാ വിവര്‍ത്തക അസോസിയേഷന്റെ പ്രസിഡന്റും തൊദൽനുടി കന്നട മാസിക എഡിറ്ററുമായ ഡോ. സുഷമാ ശങ്കറിന്, കന്നട വികസന അതോറിറ്റിയുടെ മുൻ പ്രസിഡൻറ് സോമശേഖർ ഐഎഎസ് ‘ത്രികാലരത്ന പ്രശസ്തി’ പത്രം നൽകി ആദരിച്ചു.
കവി എസ്.ആർ.നാഗരാജിൻറെ നേതൃത്വത്തിൽ നടന്ന മഹാസമ്മേളനം ബസവണ്ണദേവ മഠത്തിലെ സിദ്ധലിംഗ സ്വാമിജി ഉദ്ഘാടനം ചെയ്തു. കർണാടക കന്നഡ സാഹിത്യ ലോക പ്രസിഡൻ്റ് ഹനുമന്തരായപ്പ, സെക്രട്ടറി ഡോ. ശിവലിംഗയ്യ, കേന്ദ്ര സാഹിത്യ അക്കാദമി പുരസ്കാര ജേതാവ് എച്ച്. ലക്ഷ്മി നാരായണ സ്വാമി, കന്നട അധ്യയന വിഭാഗത്തിലെ ഡോ. വിജയകുമാർ എച്ച് വിശ്വമാനവ എന്നിവര്‍ സംസാരിച്ചു.
സമ്മേളനത്തിൽ കർണാടക കന്നഡ സാഹിത്യ ലോകത്തിൻറെ തെരഞ്ഞെടുത്ത കവികളുടെ വിവരങ്ങൾ ഉൾപ്പെടുത്തിയ പുതുവർഷ കലണ്ടർ സിദ്ധലിംഗസ്വാമിജി പ്രകാശനം ചെയ്തു. രാജ്യത്തിൻറെ വിവിധഭാഗങ്ങളിൽ നിന്നും 251 കന്നഡ കവികൾ സമ്മേളനത്തിൽ പങ്കെടുത്തു.
SUMMARY: A poets’ conference and poetry collection release were organized.
