മലയാളി യുവ ഡോക്ടര്‍ ബെംഗളൂരുവില്‍ അന്തരിച്ചു

ബെംഗളൂരു: കണ്ണൂർ പയ്യോളി മുൻ മുസ്ലിം ലീഗ് നേതാവ് കാട്ടൊടി കുഞ്ഞബ്ദുള്ളയുടെ മകൻ ഡോ. ആദിൽ അബ്ദുള്ള (41) ബെംഗളൂരുവില്‍ ഹൃദയാഘാതത്തെ തുടര്‍ന്ന് അന്തരിച്ചു.

പത്ത് വർഷത്തോളമായി ബെംഗളൂരു എച്ച്എഎൽ ഷാഫി നഗറിൽ സ്വന്തമായി ക്ലിനിക് നടത്തിവരികയായിരുന്നു. ഇന്നലെ രാത്രിയായിരുന്നു മരണം. ബെംഗളൂരു കെ.എം.സി.സി എച്ച്എൽ ഏരിയ ട്രോമ കെയർ കോർഡിനേറ്ററാണ്. മൃതദേഹം ബെംഗളൂരു ശിഹാബ് തങ്ങൾ സെന്ററിൽ കെഎംസിസി പ്രവർത്തകരുടെ സഹായത്തോടെ അന്ത്യ കർമങ്ങൾ ചെയ്തു നാട്ടിലേക്ക് കൊണ്ടുപോയി.

മാതാവ് വഹീദ. ഭാര്യ ഡോ. റസ്മിയ. മക്കൾ ദയാൻ, ഐദിൻ. സഹോദരങ്ങൾ ആവാസ് അബ്ദുള്ള, അനൂഷ. ഖബറടക്കം അയനിക്കാട് ഹൈദ്രൂസ് ജുമഅ മസ്ജിദ് ഖബർസ്ഥാനിൽ.
<BR>
TAGS : OBITUARY