കഴക്കൂട്ടത്ത് നിയന്ത്രണം വിട്ട കാര്‍ തൂണിലിടിച്ചു; യുവാവ് മരിച്ചു

തിരുവനന്തപുരം: കഴക്കൂട്ടത്തുണ്ടായ വാഹനാപകടത്തില്‍ യുവാവ് മരിച്ചു. ബാലരാമപുരം സ്വദേശി ഷിബിന്‍ ആണ് മരിച്ചത്. കഴക്കൂട്ടം എലവേറ്റഡ് ഹൈവേയിലാണ് അപകടം. നിയന്ത്രണം വിട്ട ഥാർ ഹൈവേയിലെ തൂണിലിടിച്ചാണ്  അപകടം. 2 പേരുടെ നില ഗുരുതരമാണ്. ടെക്നോ പാർക്കിന് സമീപം രാത്രി 12 മണിയോടെയാണ് അപകടം ഉണ്ടായത്. മാരായമുട്ടം സ്വദേശി രജനീഷ് (27), ബാലരാമപുരം സ്വദേശി ഷിബിൻ (28), പോങ്ങുംമൂട് സ്വദേശി കിരൺ (29), സി.വി.ആർ പുരം സ്വദേശിനി അഖില (28), കൈമനം സ്വദേശിനി ശ്രീലക്ഷ്മി (23) എന്നിവരാണ് വാഹനത്തിൽ ഉണ്ടായിരുന്നത്

വാഹനം അമിത വേഗതയിലായിരുന്നു. റേസിംഗിനിടെയാണ് അപകടം ഉണ്ടായതെന്ന് പോലീസ് സംശയിക്കുന്നു. സംഘത്തിൽ മറ്റ് വാഹനങ്ങൾ ഉണ്ടായിരുന്നുവെന്ന് അപകടത്തിൽപ്പെട്ട വാഹനത്തിലുള്ളവർ പറഞ്ഞത്. അപകടത്തിൽപ്പെട്ടവരെ ഉടൻ മെഡിക്കൽ കോളേജിലെത്തിച്ചു. കഴക്കൂട്ടം പോലീസ് കേസെടുത്തിട്ടുണ്ട്.
SUMMARY: A young man died after a car lost control and crashed into a pole in Kazhakootta.