ബെംഗളൂരു: വിനായക ചതുർഥി ആഘോഷത്തിനിടെ പടക്കം പൊട്ടിത്തെറിച്ചുണ്ടായ അപകടത്തില് പത്താംക്ലാസ് വിദ്യാർഥി മരിച്ചു. കഴിഞ്ഞ ദിവസം ദൊഡ്ഡബെള്ളാപുര മുത്തൂരിലാണ് അപകടമുണ്ടായത്. തനുഷ് റാവു എന്ന 15കാരനാണ് മരിച്ചത്. നിമജ്ജനം ചെയ്യുന്നതിനുള്ള വിനായക വിഗ്രഹവുമായി പുറപ്പെട്ട ഘോഷയാത്രയ്ക്കിടെയാണ് അപകടം.
വാഹനത്തിൽ വെച്ചു പടക്കം പൊട്ടിക്കുന്നതിനിടെയുണ്ടായ ചെറുസ്ഫോടനത്തിൽ പൊള്ളലേറ്റ തനുഷിനെ ആശുപത്രിയിൽ എത്തിച്ചുവെങ്കിലും രക്ഷിക്കാനായില്ല. മറ്റ് ആറ് പേർ ചികിത്സയിലാണ്. ഇതിൽ യോഗേഷ് (15) എന്ന മറ്റൊരു കുട്ടിയുടെ നില ഗുരുതരമാണ്. പരിപാടിയുടെ സംഘാടകനായ മാരുതിക്കെതിരെ ഭാരതീയ ന്യായ സംഹിത വകുപ്പുകള് പ്രകാരം കേസെടുത്തിട്ടുണ്ട്.
SUMMARY: Firecracker explosion accident; 15-year-old dies, six others undergoing treatment
