കൊല്ലങ്കോട്: വേണ്ടത്ര സുരക്ഷാ മുൻകരുതലുകളില്ലാതെ ജലസംഭരണി പൊളിച്ചുനീക്കുന്നതിനിടെ കോണ്ക്രീറ്റ് കട്ടകള് വൈദ്യുതി തൂണിലേക്ക് വീണ് തൂണ് തകർന്നു. സമീപത്തെ വീട്ടിലേക്കാണ് വൈദ്യുതി തൂണ് വീണത്. കോണ്ക്രീറ്റ് കട്ടകള് വീണ് കൊല്ലങ്കോട് വില്ലേജ് ഓഫിസിന്റെ മതിലും തകർന്നു. തൊഴിലാളികളും പ്രദേശവാസികളും ഉള്പ്പെടെ നിരവധി പേര് സംഭവസ്ഥലത്തുണ്ടായിരുന്നെങ്കിലും തലനാരിഴയ്ക്കാണ് വന് ദുരന്തം ഒഴിവായത്.
അപകടത്തെ തുടര്ന്ന് സമീപത്തുണ്ടായിരുന്ന ഇലക്ട്രിസിറ്റി പോസ്റ്റ് ഒടിഞ്ഞുവീഴുകയും പ്രദേശത്ത് വൈദ്യുതി ബന്ധം വിച്ഛേദിക്കപ്പെടുകയും ചെയ്തു. കഴിഞ്ഞ ദിവസമാണ് കാലപ്പഴക്കം ചെന്ന വാട്ടര് ടാങ്ക് പൊളിച്ചുമാറ്റാനുള്ള ജോലികള് ആരംഭിച്ചത്. എന്നാല് ടാങ്ക് തകര്ന്നുവീണത് പ്രതീക്ഷിച്ച ദിശയിലേക്കായിരുന്നില്ല. ഭാഗ്യം കൊണ്ടാണ് വലിയൊരു ദുരന്തം ഒഴിവായതെന്ന് സംഭവത്തിന് ദൃക്സാക്ഷികള് പറഞ്ഞു.
SUMMARY: Accident during demolition of water tank in Kollangode: Part of a house and the village office wall collapsed
