നിയന്ത്രണം വിട്ട ആംബുലൻസ് നിരവധി വാഹനങ്ങളിലിടിച്ച് അപകടം; ഒരാൾ മരിച്ചു

ബെംഗളൂരു: നിയന്ത്രണം വിട്ട ആംബുലൻസ് നിരവധി വാഹനങ്ങളിലിടിച്ചുണ്ടായ അപകടത്തിൽ ഒരാൾ മരിച്ചു. വിൽസൺ ഗാർഡനിൽ വെള്ളിയാഴ്ചയാണ് അപകടമുണ്ടായത്. അമിതവേഗതയിലായിരുന്ന ആംബുലൻസ് മുമ്പിൽ നിർത്തിയിട്ട നിരവധി വാഹനങ്ങളിൽ ഇടിക്കുകയായിരുന്നു. വ്യാപാരിയായ രമേശ് (49) ആണ് മരിച്ചത്.

അപകടത്തിൽ ആറ് പേർക്ക് പരുക്കേറ്റു. രാവിലെ 8.30 ഓടെ വിൽസൺ ഗാർഡൻ ഏരിയ പോലീസ് സ്റ്റേഷൻ പരിധിയിലുള്ള ബിടിഎസ് റോഡ് പ്രദേശത്താണ് അപകടം നടന്നത്. സഞ്ജീവനി ആംബുലൻസ് ആണ് അപകടത്തിൽ പെട്ടത്. മുമ്പിലുണ്ടായിരുന്ന രണ്ട് ഉന്തുവണ്ടികൾ, ഓട്ടോറിക്ഷ, സ്കൂട്ടർ എന്നിവയിലാണ് ഇടിച്ചത്. രമേശ്‌ സംഭവസ്ഥലത്ത് തന്നെ മരിച്ചു. സംഭവത്തെത്തുടർന്ന്, നാട്ടുകാർ ആംബുലൻസ് ഡ്രൈവർ ചിരഞ്ജീവിനെ പിടികൂടി പോലീസിനെ ഏൽപ്പിച്ചു.

TAGS: BENGALURU | ACCIDENT
SUMMARY: One killed after speeding ambulance collides with several vehicles in Bengaluru