ബെംഗളൂരു: ബെംഗളൂരു പരപ്പന അഗ്രഹാര സെൻട്രൽ ജയിലിൽ കൊലക്കേസ് പ്രതിക്ക് നൽകാൻ മൊബൈൽ ഫോൺ കടത്തിക്കൊണ്ടുപോയ ജയിൽവാർഡൻ അറസ്റ്റിൽ. കലബുറഗി സ്വദേശി അമർ പ്രാഞ്ചെ(29) ആണ് അറസ്റ്റിലായത്. കഴിഞ്ഞ വ്യാഴാഴ്ചയായിരുന്നു സംഭവം. പണം വാങ്ങിയാണ് ഫോൺ എത്തിച്ചുകൊടുത്തിരുന്നത്.
അടിവസ്ത്രത്തിൽ ഒളിപ്പിച്ചാണ് ഇയാൾ മൊബൈൽ ഫോൺ ജയിലിനകത്തെത്തിച്ചതെന്ന് പോലീസ് പറഞ്ഞു. ജയിലിലെ പതിവ് സുരക്ഷാപരിശോധനയ്ക്കിടെ നടന്ന ദേഹപരിശോധനയിലാണ് പിടികൂടിയത്. സ്മാർട്ട് ഫോണും രണ്ട് ഇയർഫോണുകളും കണ്ടെടുക്കുകയായിരുന്നു. ജയിലില് കഴിയുന്ന പ്രതിക്ക് ലഹരിമരുന്ന് എത്തിച്ച കേസില് മറ്റൊരു വാര്ഡനായ കാലപ്പ എന്നയാള് നേരത്തെ പിടിയിലായിരുന്നു.
SUMMARY: Phone smuggled into Bengaluru Central Jail. The warden is under arrest
WhatsApp
Telegram
