കോഴിക്കോട് മെഡി. കോളജില്‍ വീണ്ടും ചികിത്സ പിഴവ്: ഗര്‍ഭപാത്രം നീക്കാനെത്തിയ യുവതി മരിച്ചു

കോഴിക്കോട്: കോഴിക്കോട് മെഡിക്കല്‍ കോളജില്‍ വീണ്ടും ചികിത്സപിഴവെന്ന് പരാതി. ഗർഭപാത്രം നീക്കം ചെയ്യാൻ എത്തിയ വടകര സ്വദേശി പി. തങ്കമണി ആണ് മരിച്ചത്. ചികിത്സപിഴവിനെ തുടർന്നാണ് മരണമെന്നാണ് ബന്ധുക്കളുടെ ആരോപണം. ബന്ധുക്കളുടെ പരാതിയില്‍ മെഡിക്കല്‍ കോളജ് പോലീസ് കേസ് എടുത്തു.

ഈ മാസം അഞ്ചിനാണ് ശസ്ത്രക്രിയയ്ക്കായി കോഴിക്കോട് മെഡി. കോളജ് ആശുപത്രിയില്‍ പ്രവേശിപ്പിച്ചത്. 8നായിരുന്നു സർജറി, 9ന് വാർഡിലേക്ക് മാറ്റുകയായിരുന്നു. തുടർന്ന് 10ന് രക്തം ഛർദ്ദിക്കുകയായിരുന്നു. തുടർന്ന് 11ന് വീണ്ടും സർജറി നടത്തി. 12ന് മരിക്കുകയായിരുന്നു.

SUMMARY: Another case of medical negligence at Kozhikode Medical College: Woman dies after admission for uterus removal surgery