ഡല്ഹി മദ്യനയ അഴിമതി കേസില് ജയില് മോചിതനായ ശേഷം മുഖ്യമന്ത്രി പദം രാജിവച്ച അരവിന്ദ് കെജ്രിവാൾ ഔദ്യോഗിക വസതി ഒഴിഞ്ഞു. മാതാപിതാക്കളെയും ഭാര്യയെയും രണ്ട് മക്കളെയും കൂട്ടി കാറിലാണ് അദ്ദേഹം മടങ്ങിയത്. പാർട്ടി അംഗം അശോക് മിത്തലിൻ്റെ മാണ്ഡി ഹൗസിന് സമീപമുള്ള 5 ഫിറോസ്ഷാ റോഡിലുള്ള വസതിയിലേക്കായിരുന്നു മാറ്റം.
പഞ്ചാബില് നിന്നുള്ള രാജ്യസഭാ എംപിയാണ് മിത്തല്. ഡല്ഹിയുടെ സെൻട്രല് വിലാസത്തില് ബംഗ്ലാവ് അനുവദിക്കുകയായിരുന്നു. ഫെബ്രുവരിയില് നടക്കാനിരിക്കുന്ന നിയമസഭാ തിരഞ്ഞെടുപ്പില് ഡല്ഹിയിലെ ജനങ്ങളില് നിന്ന് സത്യസന്ധതയുടെ സർട്ടിഫിക്കറ്റ് ലഭിച്ചതിന് ശേഷം മാത്രമേ താൻ വീണ്ടും മുഖ്യമന്ത്രിയാകൂ എന്ന് പറഞ്ഞ് കഴിഞ്ഞ മാസം കെജ്രിവാൾ മുഖ്യമന്ത്രി സ്ഥാനം രാജിവച്ചിരുന്നു. വ്യാഴാഴ്ച ആരംഭിക്കുന്ന നവരാത്രി കാലത്ത് മുഖ്യമന്ത്രിയുടെ വസതി ഒഴിയുമെന്ന് അദ്ദേഹം നേരത്തെ പറഞ്ഞിരുന്നു.
TAGS : ARAVIND KEJIRIWAL | DELHI
SUMMARY : Arvind Kejriwal has vacated his official residence
WhatsApp
Telegram
