ബെംഗളൂരു: നഗരത്തിലെ 75 ജംക്ഷനുകളിലെ ഗതാഗത കുരുക്കഴിക്കാനും സുരക്ഷിതമാക്കാനുമുള്ള പദ്ധതി ഉടൻ നടപ്പിലാക്കുമെന്ന് ബിബിഎംപി. തിരഞ്ഞെടുത്ത ജംക്ഷനുകളിലെ റോഡിന്റെ നിർമാണ പിഴവുകൾ പരിഹരിച്ച് ഗതാഗത കുരുക്ക് പരിഹരിക്കും. ഒപ്പം നടപാതകളും റോഡ് മുറിച്ചു കടക്കാനുള്ള സംവിധാനങ്ങളും കാര്യക്ഷമമാക്കി അപകടങ്ങൾ ഒഴിവാക്കാനുമാണ് ഉദ്ദേശിക്കുന്നത്.
2023 മാർച്ചിൽ പ്രഖ്യാപിച്ച പദ്ധതിക്കു കാലതാമസം നേരിട്ടിരുന്നു. എന്നാൽ ഇതിനുള്ള കരാർ നടപടികൾ പൂർത്തിയായതായും നിർമാണ പ്രവർത്തനങ്ങൾ ഉടൻ ആരംഭിക്കുമെന്നും ബിബിഎംപി അറിയിച്ചു.
100 കോടി രൂപ ഇതിനായി അനുവദിച്ചിട്ടുണ്ട്. വിശദമായ പഠനത്തിനു ശേഷമാണ് 75 ജംക്ഷനുകൾ തിരഞ്ഞെടുത്തത്. ഇവിടങ്ങളിൽ ഓടകൾ നവീകരിക്കും. സൂചന ബോർഡുകളും തെരുവ് വിളക്കുകളും സ്ഥാപിക്കും. വാഹനങ്ങൾ നടപാതകളിലേക്കു അതിക്രമിച്ചു കയറുന്നത് തടയാൻ ബൊള്ളാർഡുകൾ സ്ഥാപിക്കും. ഫൗണ്ടെയ്നുകൾ സ്ഥാപിച്ചും മരങ്ങൾ നട്ടുപിടിപ്പിച്ചും മോടി പിടിപ്പിക്കുമെന്നും അധികൃതർ അറിയിച്ചു. നഗരത്തിൽ വാഹനാപകടങ്ങളിൽ കാൽനടയാത്രക്കാർ മരിക്കുന്നത് പതിവായ സാഹചര്യത്തിലാണ് നടപടി.
SUMMARY: BBMP set to redesign 75 key traffic junctions across Bengaluru
WhatsApp
Telegram
