ബെംഗളൂരു: ബെംഗളൂരു – മൈസൂരു എക്സ്പ്രസ് വേയിൽ ഗ്ലോബൽ നാവിഗേഷൻ സാറ്റലൈറ്റ് സിസ്റ്റം (ജിഎൻഎസ്എസ്) അടിസ്ഥാനമാക്കിയുള്ള ബാരിയർ ലെസ് ഫ്രീ ഫ്ലോ സാറ്റലൈറ്റ് അധിഷ്ഠിത ടോൾ സംവിധാനം ഉടൻ ഏർപ്പെടുത്തുമെന്ന് ദേശീയ പാത അതോറിറ്റി (എൻഎച്ച്എഐ) അറിയിച്ചു. കേന്ദ്ര സർക്കാർ പരീക്ഷണാടിസ്ഥാനത്തിലാണ് പദ്ധതി നടപ്പാക്കുന്നത്.
ബെംഗളൂരു-മൈസൂരു എൻഎച്ച്-275 ഉൾപ്പെടെയുള്ള റോഡുകളിൽ ഇത്തരത്തിലൊരു അധിഷ്ഠിത ടോൾ പിരിവ് പൈലറ്റ് നടത്താൻ തീരുമാനിച്ചതായി അടുത്തിടെ ഗതാഗത മന്ത്രി നിതിൻ ഗഡ്കരി പറഞ്ഞിരുന്നു. ജിഎൻഎസ്എസ് അടിസ്ഥാനമാക്കിയുള്ള ബാരിയർ-ലെസ് ഫ്രീ-ഫ്ലോ ടോളിംഗ് പോലുള്ള പുതിയ സാങ്കേതികവിദ്യകൾ നടപ്പിലാക്കുന്നതിനുള്ള ഉപദേശക സേവനങ്ങൾ നൽകുന്നതിന് സർക്കാർ സ്വകാര്യ കൺസൾട്ടൻ്റിനെ നിയമിച്ചിട്ടുണ്ട്. വാഹനങ്ങളുടെ വേഗത കൃത്യമായി മനസിലാക്കാനും ഇവ സഹായിക്കും.
വാഹനത്തിൻ്റെ രജിസ്‌ട്രേഷൻ പ്ലേറ്റിൻ്റെ ഫോട്ടോ എടുത്ത് വാഹനം കടന്നുപോകുന്ന ഹൈവേയുടെ യഥാർത്ഥ നീളത്തിൻ്റെ അടിസ്ഥാനത്തിൽ ടോൾ തുക ഈടാക്കുന്നതാണ് പുതിയ സംവിധാനം. 2016ൽ പുറത്തിറക്കിയ റേഡിയോ ഫ്രീക്വൻസി ഐഡൻ്റിഫിക്കേഷൻ അധിഷ്ഠിത ഫാസ്‌ടാഗുകൾക്ക് പകരമായാണിത്.
TAGS: BENGALURU | EXPRESSWAY
SUMMARY: Toll collection on Mysuru-Bengaluru Highway, FASTag to be replaced by Global Navigation Satellite System soon
WhatsApp
Telegram
