തിരുവനന്തപുരം: വര്ക്കലയില് പ്രണയബന്ധവുമായി ബന്ധപ്പെട്ട് രണ്ടു വീട്ടുകാര് തമ്മിലുണ്ടായ സംഘര്ഷത്തിനിടെ അടിയേറ്റ് ചികിത്സയിലായിരുന്ന കാമുകന്റെ സുഹൃത്തായ യുവാവ് മരിച്ചു. കൊല്ലം സ്വദേശി അമല് ആണ് മരിച്ചത്. സംഭവവുമായി ബന്ധപ്പെട്ട് കണ്ണമ്പ സ്വദേശികളായ മൂന്നു പേരെ വര്ക്കല പോലീസ് അറസ്റ്റ് ചെയ്തു. ഒക്ടോബർ 14 നാണ് കേസിനാസ്പദമായ സംഭവം.
പ്രണയം തകർന്നതിനെ തുടർന്ന് യുവാവും ബന്ധുക്കളും സുഹൃത്തായ അമലും യുവതിയുടെ വീട്ടിലെത്തി. തുടർന്ന് ഇരുവീട്ടുകാരുടെയും സംസാരം സംഘർഷത്തിലെത്തുകയായിരുന്നു. സംഘർഷം കൈയാങ്കളി ആയതോടെ അമലിനെ യുവതിയുടെ വീട്ടുകാർ മർദ്ദിച്ചു. മർദ്ദനത്തില് അമലിന് ഗുരുതരമായി പരുക്കേറ്റു. അന്നു കൊല്ലം കുണ്ടറയിലെ വീട്ടിലേക്കു മടങ്ങിയ യുവാവ് പിറ്റേന്ന് രാവിലെ രക്തം ഛര്ദിച്ചു.
തുടര്ന്ന് ആശുപത്രിയില് എത്തിച്ചപ്പോള് തെങ്ങില്നിന്നു വീണതാണെന്നാണ് പറഞ്ഞിരുന്നത്. എന്നാല് ഡോക്ടര്ക്ക് സംശയം തോന്നിയതിനെ തുടര്ന്ന് പോലീസിനെ അറിയിച്ചു. ഇതിനിടെ ആരോഗ്യനില വഷളായി അമല് മരികുകയായിരുന്നു. പിന്നീട് പോലീസ് നടത്തിയ വിശദമായ ചോദ്യം ചെയ്യലിലാണ് വര്ക്കലയില് വച്ച് അമലിന് അടിയേറ്റ വിവരം ബന്ധുക്കള് പറഞ്ഞത്. തുടര്ന്ന് വര്ക്കല പോലീസ് പെണ്കുട്ടിയുടെ ബന്ധുക്കളായ മൂന്നു പേരെ അറസ്റ്റ് ചെയ്തു.
SUMMARY: Love broken; Boyfriend’s friend beaten to death after coming to girl’s house to talk
WhatsApp
Telegram
