ബെംഗളൂരു: ഹെബ്ബാൾ മേൽപാലത്തിലെ 2 അധിക റാംപുകളുടെ നിർമാണത്തിന്റെ പശ്ചാത്തലത്തിൽ ബെംഗളൂരു വിമാനത്താവളത്തിലേക്കുള്ള യാത്രക്കാർ ബദൽ റൂട്ടുകൾ വഴി കടന്നുപോകണമെന്ന് ട്രാഫിക് പോലീസ് നിർദേശിച്ചു. യാത്രക്കാർ ഹെബ്ബാൾ ജംഗ്ഷൻ ഒഴിവാക്കി കെആർ പുരം ഭാഗത്ത് നിന്ന് ഔട്ടർ റിംഗ് റോഡിലൂടെ പോകണമെന്ന് ട്രാഫിക് പോലീസ് നിർദേശിച്ചു. കെ.ആർ.പുരത്ത് നിന്ന് ഔട്ടർ റിംഗ് റോഡിലൂടെ വരുന്ന യാത്രക്കാർ നാഗവാര ജംഗ്ഷനിൽ നിന്ന് വലത്തേക്ക് തിരിഞ്ഞ് വിമാനത്താവളത്തിലേക്ക് കടന്നുപോകണം.
കെആർ പുരം, നാഗവാര (ഔട്ടർ റിംഗ് റോഡ്), മേഖ്രി സർക്കിൾ വഴി പോകുന്ന യാത്രക്കാരും കെആർ പുരം, നാഗവാര (ഔട്ടർ റിംഗ് റോഡ്), ഹെബ്ബാൾ വഴി വരുന്ന യാത്രക്കാരും ബദൽ റൂട്ടുകൾ ഉപയോഗിക്കേണ്ടതാണ്.
ഗതാഗതക്കുരുക്ക് പരിഹരിക്കുന്നതിന്റെ ഭാഗമായാണ് തുമക്കൂരു റോഡ്, ഔട്ടർറിങ് റോഡ്, ബെള്ളാരി റോഡ് എന്നിവയെ ബന്ധിപ്പിച്ച് റാംപുകൾ നിർമിക്കുന്നത്. പ്രതിദിനം മൂന്നരലക്ഷം വാഹനങ്ങൾ കടന്നുപോകുന്ന മേൽപാലത്തിലെ റാംപ് നിർമാണം 5 മാസം കൊണ്ട് പൂർത്തീകരിക്കാനാണ് ലക്ഷ്യമിടുന്നത്.
കെആർ പുരം ഭാഗത്ത് നിന്ന് വരുന്ന വാഹനങ്ങൾ ഹെബ്ബാളിലെ തിരക്ക് ഒഴിവാക്കാൻ മാരുതിസേവാ നഗർ ഐഒസി–മുകുന്ദ തിയറ്റർ റോഡ്, ലിംഗരാജപുരം മേൽപാലം, നാഗവാര–താന്നറി റോഡ് എന്നീ പാതകൾ ഉപയോഗിക്കണം. ഹെഗ്ഡെനഗർ –തന്നിസന്ദ്ര വഴി വരുന്നവർ ജികെവികെ–ജക്കൂർ റോഡ് വഴി നഗരത്തിൽ പ്രവേശിക്കണം. കെആർപുരം ഭാഗത്ത് നിന്ന് യശ്വന്തപുരയിലേക്ക് പോകേണ്ടവർ ഹെബ്ബാൾ മേൽപാലത്തിന് താഴെ നിന്ന് ഇടത്തോട്ട് തിരിഞ്ഞ് ബിഇഎൽ സർക്കിൾ, സദാശിവനഗർ പോലീസ് സ്റ്റേഷൻ ജംഗ്ഷൻ വഴി പോകണം. കെആർ പുരം, ഹെന്നൂർ, എച്ച്ആർബിആർ ലേൗട്ട്, ബാനസവാടി, കെജി ഹള്ളി ഭാഗങ്ങളിൽ നിന്ന് ബെംഗളൂരു വിമാനത്താവളത്തിലേക്ക് പോകേണ്ടവർ ഹെന്നൂർ–ബാഗലൂർ റോഡിലൂടെ കടന്നുപോകണം.
TAGS: BENGALURU | HEBBAL FLYOVER
SUMMARY: Bengaluru traffic police ask airport commuters on Outer Ring Road to avoid Hebbal junction
WhatsApp
Telegram
