ഇന്ത്യയിലെ വിവിധ നിയമ സർവകലാശാലകളിലെ 5 വർഷ ഇൻ്റഗ്രേറ്റഡ് ബാച്ചിലർ ബിരുദ കോഴ്സുകൾക്കുള്ള പ്രവേശന പരീക്ഷയ്ക്ക് (CLAT 2025) അപേക്ഷ ക്ഷണിച്ചു. കൊച്ചിയിലെ നുവാൽസ് അടക്കമുള്ള രാജ്യത്തെ 24 ദേശീയ നിയമ സർവകലാശാലയിലേക്കാണ് പ്രവേശനം. എൽഎൽബി കഴിഞ്ഞ വർക്ക് ഒരു വർഷത്തെ എൽ എൽഎം കോഴ്സിലേക്കും അപേക്ഷിക്കാം.
ഓൺലൈൻ അപേക്ഷ ഒക്ടോബർ 15 വരെ സമര്‍പ്പിക്കാം. പരീക്ഷ ഡിസംബർ ഒന്നിന് ഉച്ചകഴിഞ്ഞ് 2 മുതൽ 4 വരെ. അപേക്ഷാഫീ 4000 രൂപ. പട്ടിക, ഭിന്നശേഷി, ബിപിഎൽ വിഭാഗക്കാർക്ക് 3500 രൂപ.
പ്രവേശനയോഗ്യത
യുജി പ്രോഗ്രാം: 45% മാർക്ക് അഥവാ തുല്യഗ്രേഡോടെ 12 / തുല്യപരീക്ഷ ജയിച്ചവർക്കും, 2025 മാർച്ച് / ഏപ്രിലിൽ 12ലെ പരീക്ഷയെഴുതുന്നവർക്കും അപേക്ഷിക്കാം. പട്ടിക, ഭിന്നശേഷി വിഭാഗക്കാർക്ക് 40% മാർക്ക് മതി.
എൽഎൽഎം: 50% എങ്കിലും മാർക്കോടെ എൽഎൽബി / തുല്യപരീക്ഷ ജയിച്ചവർക്കും, 2025 ഏപ്രിൽ / മേയ് സമയം യോഗ്യതാ പരീക്ഷയെഴുതുന്നവർക്കും അപേക്ഷിക്കാം. പട്ടിക, ഭിന്നശേഷി വിഭാഗക്കാർക്ക് 45% മാർക്കു മതി.
കൂടുതല്‍ വിവരങ്ങള്‍ക്ക് വെബ്സൈറ്റ് സന്ദര്‍ശിക്കുക: www. consortiumofnlus.ac.in
കൊച്ചി നുവാൽസിന്റെ വെബ്സൈറ്റ് : www.nuals.ac.in.
<br>
TAGS : CLAT-2025 | EXAMINATIONS
SUMMARY : CLAT 2025: Applications invited
WhatsApp
Telegram
