കൊച്ചി: കൊച്ചി കോർപ്പറേഷൻ മേയറായി കോണ്ഗ്രസിന്റെ വി കെ മിനിമോള് തിരഞ്ഞെടുക്കപ്പെട്ടു. 76 അംഗ കോർപ്പറേഷനില് 48 അംഗങ്ങളുടെ പിന്തുണയോടെയാണ് മിനിമോള് വിജയിച്ചത്. സ്വതന്ത്രനായ ബാസ്റ്റിൻ ബാബുവും യുഡിഎഫിനെ പിന്തുണച്ചു. വരണാധികാരിയായ ജില്ലാ കലക്ടർ ജി പ്രിയങ്കയുടെ മേല്നോട്ടത്തിലാണ് മേയർ തിരഞ്ഞെടുപ്പ് നടന്നത്.
വോട്ടെണ്ണല് പൂർത്തിയായി ഫലം പ്രഖ്യാപിച്ചതിന് പിന്നാലെ, കലക്ടർ മുമ്പാകെ വി കെ മിനിമോള് സത്യപ്രതിജ്ഞ ചെയ്ത് മേയറായി ചുമതലയേറ്റു. നാലാം തവണയാണ് മിനിമോള് കോർപ്പറേഷനിലേക്ക് വിജയിക്കുന്നത്. പാലാരിവട്ടം ഡിവിഷനെയാണ് മിനിമോള് പ്രതിനിധാനം ചെയ്യുന്നത്. സൗമിനി ജയിനു ശേഷം നഗരസഭ മേയർ പദവിയിലെത്തുന്ന വനിതാ നേതാവാണ് മിനിമോള്.
SUMMARY: Congress’s VK Minimol elected as Kochi Corporation Mayor
WhatsApp
Telegram
