ബെംഗളൂരു: വിമാനത്താവളത്തിലൂടെ 30 നക്ഷത്ര ആമകളെ കടത്താൻ ശ്രമിച്ച തമിഴ്നാട് സ്വദേശിയായ യുവാവ് അറസ്റ്റിൽ. മലേഷ്യയിലെ ക്വാലാലംപുരിലേക്കുള്ള വിമാനത്തിൽ യാത്ര ചെയ്യാനെത്തിയ ശിവഗംഗ സ്വദേശി ആഷിക് അലി ഷാഹുൽ ഹമീദ് (29) ആണ് കസ്റ്റംസിന്റെ പിടിയിലായത്.
പരിശോധനയ്ക്കിടെ ഇയാളുടെ ബാഗിൽ അനക്കം ശ്രദ്ധയിൽപെട്ട ജീവനക്കാർ നടത്തിയ തിരച്ചിലിലാണ് 30 നക്ഷത്ര ആമകളെ കണ്ടെത്തിയത്. സിഗരറ്റ് പാക്കറ്റുകൾക്കിടയിൽ ഇവ ഒളിപ്പിച്ച നിലയിലായിരുന്നു. സമാനമായ കുറ്റത്തിനു മുൻപും അറസ്റ്റിലായിട്ടുള്ള ഹമീദ് രാജ്യാന്തര വന്യജീവി കടത്തു സംഘത്തിലെ കണ്ണിയാണെന്ന് കസ്റ്റംസ് വ്യക്തമാക്കി.
ചിക്കബല്ലാപുരയിൽ നിന്നും നക്ഷത്ര ആമകളെ ഒരു സംഘം കലാശപാളയ ബസ് സ്റ്റാൻഡിൽ വച്ച് ഹമീദിനു കൈമാറുകയായിരുന്നു. ആമകളെ വനം വകുപ്പിനു കൈമാറി.
SUMMARY: Customs arrested a youth for trying to smuggle star tortoises from Bengaluru to Malaysia.
WhatsApp
Telegram
