ബെംഗളൂരു: കര്ണാടക മുഖ്യമന്ത്രിയായി ഡി കെ ശിവകുമാര് നാളെ സത്യപ്രതിജ്ഞ ചെയും. മുഖ്യമന്ത്രിക്കൊപ്പം പതിനൊന്ന് മന്ത്രിമാരും നാളെ സത്യപ്രതിജ്ഞ ചെയ്ത് അധികാരമേല്ക്കും. മലയാളികളായ രണ്ട് പേര് മന്ത്രിസ്ഥാനം ഉറപ്പിച്ചു. കെ ജെ ജോര്ജ്, യു ടി ഖാദര് എന്നിവരാണ് നാളെ സത്യപ്രതിജ്ഞ ചെയ്യുന്ന മലയാളി മുഖങ്ങള്. കെ.ജെ. ജോര്ജ് കോട്ടയം ജില്ലയിലെ കിടങ്ങൂര് സ്വദേശിയാണ്. സിദ്ധരാമയ്യ സര്ക്കാരില് ഊർജ മന്ത്രിയായിരുന്നു. കാസറഗോഡ് ജില്ലയിലെ ഉപ്പള സ്വദേശിയായ യു.ടി. ഖാദര് നിയമസഭ സ്പീക്കറായിരുന്നു. ദക്ഷിണ കന്നഡ ജില്ലയിലെ മംഗളൂരു മണ്ഡലത്തില്നിന്നാണ് ഖാദര് നിയമസഭയിലെത്തിയത്.
സിദ്ധരാമയ്യയുടെ മകന് യതീന്ദ്ര സിദ്ധരാമയ്യ പ്രധാന വകുപ്പുകളിലൊന്നില് മന്ത്രിയാകും. മുതിര്ന്ന നേതാക്കളായ ജി.പരമേശ്വര, സതീഷ് ജാര്ക്കിഹോളി, എംബി പാട്ടീല്, പ്രിയങ്ക് ഖര്ഗെ തുടങ്ങിയവരും മന്ത്രിമാരാകുമെന്നാണ് വിവരം. ഈശ്വർ ഖന്ദ്രേ, രാമലിംഗ റെഡ്ഡി, ശിവരാജ് തങ്കടഗി, രൂപാ ശശിധർ എന്നിവരാണ് മന്ത്രിസഭയിലെ മറ്റ് പ്രമുഖർ. ഒന്നിലധികം ഉപമുഖ്യമന്ത്രിമാരെ നിയമിക്കുന്നതിനെക്കുറിച്ചും കോൺഗ്രസ് നേതൃത്വം ആലോചിക്കുന്നുണ്ട്.
ബെംഗളൂരുവിൽ നാളെ വൈകിട്ടോടെ നടക്കുന്ന പ്രൗഢഗംഭീരമായ ചടങ്ങിലാണ് പുതിയ സർക്കാർ ഭരണം ഏറ്റെടുക്കുക.; സത്യപ്രതിജ്ഞയില് കോണ്ഗ്രസ് ദേശീയ നേതാക്കളായ മല്ലികാര്ജുന് ഖര്ഗെ, രാഹുല്ഗാന്ധി, കെ.സി. വേണുഗോപാല് തുടങ്ങിയവര് പങ്കെടുക്കും. കോണ്ഗ്രസ് മുഖ്യമന്ത്രിമാരായ വി.ഡി. സതീശന്, രേവന്ത് റെഡ്ഡി എന്നിവരും സത്യപ്രതിജ്ഞയിൽ പങ്കെടുക്കാനെത്തും.
SUMMARY: D.K. Shivakumar to take oath as Chief Minister tomorrow
SUMMARY: D.K. Shivakumar to take oath as Chief Minister tomorrow
