ബെംഗളൂരു:ഡോ. എം.എൻ.ആർ. നായരുടെ ‘ദൈവനീതി’ എന്ന നോവലിന്റെ പ്രകാശനം ഞായറാഴ്ച രാവിലെ 9.30 ന് ബെംഗളൂരു ഇൻഫെൻട്രി റോഡിലുള്ള ആശ്രയ ഇന്റർനാഷണൽ ഹോട്ടലിൽ നടക്കും. കേന്ദ്ര സാഹിത്യ അക്കാദമി അവാർഡ് ജേതാവായ സുധാകരൻ രാമന്തളി, പ്രഭാഷകരായ ആലങ്കോട് ലീലാകൃഷ്ണൻ, കെ. ആർ. കിഷോർ, എ. ആർ. ഇൻഫാന്റ് എന്നിവര്‍ പങ്കെടുക്കും.
പരിപാടിയുടെ ഭാഗമായി കവിയരങ്ങും സംഘടിപ്പിച്ചിക്കും. ബെംഗളൂരുവിലെ പത്ത് കവികൾ അവരുടെ കവിതകൾ ആലപിക്കും. പി. ഗോപകുമാർ (ഐ.ആർ.എസ്.) തന്റെ കവിത അവതരിപ്പിച്ച് ഉദ്ഘാടനം ചെയ്യും. രമാ പ്രസന്ന പിഷാരടി ഏകോപനം നടത്തും.
നോവലുകൾ, ചെറുകഥാസമാഹാരങ്ങൾ, ശാസ്ത്രസാഹിത്യകൃതികൾ, ബാലസാഹിത്യം, തിരക്കഥകൾ തുടങ്ങി ഇതിനകം 21 പുസ്തകങ്ങളുടെ രചയിതാവാണ് ഡോ. എം. എൻ. ആർ. നായർ. സ്റ്റേറ്റ് ബാങ്ക് ഓഫ് ഇന്ത്യയിൽ അസിസ്റ്റന്റ് ജനറൽ മാനേജറായിരുന്നു. ജനയുഗം നോവൽ സമ്മാനം, ഡോ. സി. പി. മേനോൻ അവാർഡ്, എൻ. വി. സാഹിത്യവേദി അവാർഡ്, തൃശൂർ സർഗ്ഗസ്വരം അവാർഡ് എന്നിവ ഉൾപ്പെടെ നിരവധി അംഗീകാരങ്ങൾ അദ്ദേഹത്തെ തേടിയെത്തിയിട്ടുണ്ട്.
SUMMARY: ‘Daiva neethi’; Novel to be released on the 15th
