ബെംഗളൂരു: ബെംഗളൂരു -മംഗളൂരു റെയിൽവേ പാതയില് സകലേഷ്പൂരയ്ക്കും സുബ്രഹ്മണ്യ റോഡിനും ഇടയിലുള്ള ചുരം മേഖലയിലെ വൈദ്യുതീകരണ പ്രവൃത്തികള് പൂർത്തിയായി. മൈസൂരുവിനും മംഗളൂരുവിനും ഇടയിലുള്ള 55 കിലോ മീറ്റർ ദൂരത്തിലാണ് വൈദ്യുതീകരണ പ്രവൃത്തി പൂർത്തിയായത്. 2023 ഡിസംബർ ഒന്നിന് ആരംഭിച്ച പ്രവൃത്തിയാണ് രണ്ടുവർഷം കൊണ്ട് പൂർത്തിയായത്. റൂട്ടിൽ അഞ്ച് സ്വിച്ചിങ് സ്റ്റേഷനുകളുടെ നിർമാണവും നടന്നു.
കനത്ത മഴ, മണ്ണിടിച്ചിൽ, മണ്ണൊലിപ്പ്, പാറക്കെട്ടുകൾ എന്നിവ കാരണം പലതവണ പ്രവൃത്തി മുടങ്ങി. കുത്തനെയുള്ള ചരിവുകള് 57 തുരങ്കങ്ങൾ, 258 പാലങ്ങൾ, 108 വന് വളവുകൾ എന്നിവ പാതയില് ഉള്ളതിനാല് ഏറെ വെല്ലുവിളി നിറഞ്ഞതായിരുന്നു മേഖലയിലെ വൈദ്യുതീകരണ പ്രവൃത്തികള്.
SUMMARY: Electrification of Bengaluru-Mangalore line; Works in Churam area completed
WhatsApp
Telegram
