പാതിവില തട്ടിപ്പുമായി ബന്ധപ്പെട്ട ആദ്യ കേസില് സായിഗ്രം ഗ്ലോബല് ട്രസ്റ്റ് മാനേജിംഗ് ട്രസ്റ്റിയും പ്രതിയുമായ ആനന്ദ കുമാറിന് ജാമ്യം അനുവദിച്ച് കോടതി. സായിഗ്രാം ഗ്ലോബല് ട്രസ്റ്റ് മാനേജിംഗ് ട്രസ്റ്റി ആനന്ദകുമാറിന്റെ മുന്കൂര് ജാമ്യാപേക്ഷ തള്ളിയതിന് പിന്നാലെ അദ്ദേഹത്തെ അറസ്റ്റ് ചെയ്തിരുന്നു. പിന്നീട് മുപ്പതോളം കേസുകളിലും അറസ്റ്റ് രേഖപ്പെടുത്തുകയായിരുന്നു.
ബാക്കി കേസുകളില് ജാമ്യം ലഭിക്കാത്തതിനാല് ആനന്ദകുമാര് ജയിലില് തുടരും. കേസില് ജയിലില് കഴിയുന്ന ആനന്ദകുമാറിന് നേരിട്ട് പങ്കുണ്ടെന്നതില് തെളിവുണ്ടെന്ന് ഹൈക്കോടതി വ്യക്തമാക്കിയിരുന്നു. ആനന്ദകുമാറിന്റെ ജാമ്യാപേക്ഷ തള്ളിയുള്ള ഉത്തരവിലാണ് നിര്ണായക പരാമര്ശം. സ്ത്രീകള്ക്ക് സ്കൂട്ടര് വാഗ്ദാനം ചെയ്ത് ട്രസ്റ്റ് നേരിട്ട് പണം കൈപ്പറ്റിയതിന്റെ രേഖകകള് ക്രൈംബ്രാഞ്ച് ഹൈക്കോടതിയില് സമര്പ്പിച്ചു.
സായിഗ്രാം ഗ്ലോബല് ട്രസ്റ്റ് അനന്തുകൃഷ്ണനില് നിയമാനുസൃതം സംഭാവന വാങ്ങിയതല്ലാതെ പാതിവില സ്കൂട്ടര് പദ്ധതിയുമായി ഒരു ബന്ധവുമില്ലെന്നാണ് ആനന്ദകുമാര് ഇതുവരെ പറഞ്ഞത്. എന്നാല് തട്ടിപ്പില് ആനന്ദകുമാറിന് നേരിട്ട് പങ്കുള്ളതിന് തെളിവുണ്ടെന് വ്യക്തമാക്കുകയാണ് ഹൈക്കോടതി.
TAGS : LATEST NEWS
SUMMARY : Half-price fraud; Anandakumar, accused in the first case, gets bail
WhatsApp
Telegram
