ബെംഗളൂരു: ഫെംഗൽ ചുഴലിക്കാറ്റ് പുതുച്ചേരി തീരം തൊട്ട സാഹചര്യത്തിൽ കർണാടകയിൽ അടുത്ത രണ്ട് ദിവസത്തേക്ക് അതിശക്തമായ മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. ബെംഗളൂരു ഉൾപ്പെടെയുള്ള കർണാടകയുടെ വിവിധ ജില്ലകളിൽ അടുത്ത രണ്ട് ദിവസത്തേക്ക് ഓറഞ്ച് അലർട്ട് പ്രഖ്യാപിച്ചിട്ടുണ്ട്.
അടുത്ത 24 മണിക്കൂറിനുള്ളിൽ ബെംഗളൂരുവിൽ ഒറ്റപ്പെട്ട ശക്തമായ മഴ ലഭിക്കുമെന്ന് ഐഎംഡി അറിയിച്ചു. നഗരത്തിലെ ശരാശരി താപനില 20.6 ഡിഗ്രി സെൽഷ്യസ് ആയി തുടരുമെന്ന് പ്രതീക്ഷിക്കുന്നു. ഞായറാഴ്ചത്തെ കൂടിയ താപനില 24.6 ഡിഗ്രി സെൽഷ്യസും കുറഞ്ഞ താപനില 19.9 ഡിഗ്രി സെൽഷ്യസും ആയിരിക്കുമെന്ന്
കർണാടക സംസ്ഥാന പ്രകൃതി ദുരന്ത നിരീക്ഷണ കേന്ദ്രം (കെഎസ്എൻഡിഎംസി) അറിയിച്ചു. ഉത്തര കന്നഡ, ചിക്കമഗളൂരു, ചാമരാജനഗർ, ഉഡുപ്പി, ബെളഗാവി, ദക്ഷിണ കന്നഡ, ഹാസൻ, കുടക്, ശിവമോഗ എന്നിവിടങ്ങളിൽ ഞായറാഴ്ച മുതൽ ചൊവ്വ വരെ ഇടിമിന്നലോട് കൂടിയ കനത്ത മഴയ്ക്കും വടക്കൻ ഉൾപ്രദേശങ്ങളിൽ മിതമായ മഴയ്ക്കും സാധ്യതയുണ്ടെന്ന് കെ.എസ്.എൻ.ഡി.എം.സി പറഞ്ഞു.
TAGS: RAIN | KARNATAKA
SUMMARY: Rainfall likely in Bengaluru, south-interior parts of Karnataka over next 2 days
