ഇടുക്കി നെടുങ്കണ്ടത്ത് അനധികൃത ട്രക്കിംഗ് നടത്തിയ വാഹനങ്ങള് കുടുങ്ങി. പുഷ്പകണ്ടം നാലുമലയില് വിനോദസഞ്ചാരികളുടെ 27 വാഹനങ്ങള് കുടുങ്ങിയതായാണ് വിവരം. കർണാടകയില് നിന്നും ഓഫ് റോഡ് ട്രക്കിംഗിനായി എത്തിയവരുടെ വാഹനങ്ങളാണ് കുടുങ്ങിയത്.
ഇന്നലെ ഉച്ചയോടെ എത്തിയ സംഘത്തിൻറെ വാഹനങ്ങള് വൈകിട്ട് പെയ്ത മഴയിലാണ് കുടുങ്ങിയത്. ചില വാഹനങ്ങള് കയർ കെട്ടി നിർത്തിയ നിലയിലാണ്. സഹായം അഭ്യർത്ഥിച്ച് എത്തിയ വിനോദ സഞ്ചാരികളെ രാത്രി നാട്ടുകാരുടെ നേതൃത്വത്തിലാണ് രാമക്കല്മേടിലേക്ക് മാറ്റിയത്. 40 അംഗ സംഘമാണ് ട്രക്കിംഗിന് എത്തിയത്.
ഇരുവശങ്ങളും ചങ്കുത്തായ മലയിലൂടെ അപകടകരമായ രീതിയിലാണ് വാഹനം ഓടിച്ച് കയറിയത്. നാട്ടുകാര് വിവരമറിയിച്ചതിനെ തുടര്ന്ന് പോലീസും മോട്ടോര് വാഹന വകുപ്പും സ്ഥലത്തെത്തിയിട്ടുണ്ട്. ട്രക്കിംഗ് നടത്തിയവര്ക്കെതിരേ കര്ശനമായ നടപടിയുണ്ടാകുമെന്നാണ് വിവരം.
TAGS : IDUKKI NEWS | TRUCKING | KARNATAKA
SUMMARY : Illegal trucking in Idukki; 27 vehicles from Karnataka got stuck
WhatsApp
Telegram
