ബെംഗളൂരു: ബെംഗളൂരുവിനെയും അയോധ്യയെയും ബന്ധിപ്പിക്കുന്ന പ്രതിദിന വിമാന സർവീസ് പ്രഖ്യാപിച്ച് ഇൻഡിഗോ എയർലൈൻസ്. ഡിസംബർ 31 മുതൽ സർവീസ് ആരംഭിക്കും. ടൂറിസത്തിനും തീർത്ഥാടനത്തിനും പ്രാധാന്യം നൽകി എയർലൈനിൻ്റെ പ്രാദേശിക കണക്റ്റിവിറ്റി ശക്തിപ്പെടുത്തുന്നതിനാണ് പുതിയ തീരുമാനം.
ഇതിനുപുറമെ ഡിസംബർ 31 മുതൽ ബെംഗളൂരുവിനും ഗോരഖ്പൂരിനുമിടയിൽ പ്രതിദിന വിമാന സർവീസുകൾ പുനരാരംഭിക്കുമെന്നും ഇൻഡിഗോ കമ്പനി അറിയിച്ചു. നിലവിൽ ബെംഗളൂരുവിൽ നിന്ന് പ്രതിദിനം ആയിരക്കണക്കിന് യാത്രക്കാരാണ് അയോധ്യയിലേക്ക് സഞ്ചരിക്കുന്നത്. പുതിയ സർവീസ് യാത്രക്കാർക്ക് കൂടുതൽ സഹായകമാകുമെന്ന് ഇൻഡിഗോയുടെ ആഗോള സെയിൽസ് മേധാവി വിനയ് മൽഹോത്ര പറഞ്ഞു. 6ഇ 934 വിമാനം രാവിലെ 11.40ന് ബെംഗളൂരുവിൽനിന്ന് പുറപ്പെട്ട് ഉച്ചകഴിഞ്ഞ് 2.25ന് അയോധ്യയിലെത്തും. അയോധ്യയിൽ നിന്ന് 6ഇ 926 വിമാനം ഉച്ചയ്ക്ക് 2.55ന് പുറപ്പെട്ട് 5.30ന് ബെംഗളൂരുവിലെത്തും.
TAGS: BENGALURU | AYODHYA
SUMMARY: IndiGo to launch Bengaluru-Ayodhya direct flights
WhatsApp
Telegram
