രേണുകസ്വാമി കൊലക്കേസ്; ദർശൻ ഉൾപ്പെടെയുള്ളവരുടെ കസ്റ്റഡി കാലാവധി നീട്ടി

ബെംഗളൂരു: രേണുകസ്വാമി കൊലക്കേസിൽ ദർശൻ ഉൾപ്പെടെയുള്ള 17 പേരുടെ കസ്റ്റഡി കാലാവധി നീട്ടി. സെപ്റ്റംബർ 30 വരെയാണ് കസ്റ്റഡി നീട്ടിയത്. ബെംഗളൂരുവിലെ 24-ാം എസിഎംഎം കോടതിയുടേതാണ് ഉത്തരവ്. ചൊവ്വാഴ്ച ഇവരുടെ കസ്റ്റഡി കാലാവധി അവസാനിച്ചതിനെ തുടർന്നാണിത്.

ബല്ലാരി ജയിലിൽ വെച്ച് വീഡിയോ കോൺഫറൻസിങ് വഴിയാണ് ദർശനെ കോടതിയിൽ ഹാജരാക്കിയത്. പവിത്ര ഗൗഡ പരപ്പന അഗ്രഹാര ജയിലിൽ നിന്നും വീഡിയോ കോൺഫറൻസ് വഴി ഹാജരായി.

ദീപക്, അനുകുമാർ, ജഗദീഷ്, രവി എന്നിവരുൾപ്പെടെയുള്ള മറ്റ്‌ പ്രതികൾ സംസ്ഥാനത്തെ വിവിധ ജയിലുകളിൽ നിന്ന് വീഡിയോ കോൺഫറൻസിംഗ് വഴി ഹിയറിംഗിൽ പങ്കെടുത്തു. രേണുകസ്വാമി വധക്കേസിലെ പ്രതികളുടെ പങ്ക് വ്യക്തമാക്കുന്ന കേസിൽ പോലീസ് ഇതിനകം 3,991 പേജുകളുള്ള കുറ്റപത്രം സമർപ്പിച്ചിട്ടുണ്ട്. അടുത്ത വാദം സെപ്റ്റംബർ 30നായിരിക്കുമെന്ന് കോടതി അറിയിച്ചു.

TAGS: KARNATAKA | DARSHAN THOOGUDEEPA
SUMMARY: Judicial custody of Darshan and others extended till Sept 30