ബെംഗളൂരു: ബെംഗളൂരുവിലേക്ക് മലയാളികള്‍ക്ക് കന്നഡ പഠിക്കാന്‍ ബാംഗ്ലൂര്‍ കേരളസമാജം അവസരം ഒരുക്കുന്ന കന്നഡ പഠന ക്ലാസ് ‘കന്നഡ കലിയോണ’ എന്ന പദ്ധതിക്ക് തുടക്കം.
അല്‍സൂര്‍ സോണിന്റെ നേതൃത്വത്തില്‍ വിമാനപുര അന്നസാന്ദ്ര പാളയത്തുള്ള കേരളസമാജം ഓഫീസില്‍ നടക്കുന്ന ക്ളാസിന്റെ ഉദ്ഘാടനം കേരള സമാജം പ്രസിഡന്റ് എം ഹനീഫ് നിര്‍വഹിച്ചു.
കേരളസമാജം അല്‍സൂര്‍ സോണ്‍ ചെയര്‍മാന്‍ പി ജയകുമാര്‍ മേനോന്‍ അധ്യക്ഷത വഹിച്ചു. കേരള സമാജം വൈസ് പ്രസിഡന്റ് സുധീഷ് പി കെ, ജനറല്‍ സെക്രട്ടറി റജി കുമാര്‍, ട്രഷറര്‍ ജോര്‍ജ് തോമസ്, കെ എന്‍ ഇ ട്രസ്റ്റ് പ്രസിഡന്റ് സി ഗോപിനാഥന്‍, സെക്രട്ടറി പി വി എന്‍ ബാലകൃഷ്ണന്‍ , സോണ്‍ ജോയിന്റ് കണ്‍വീനര്‍ മഹേഷ്, രാധാകൃഷ്ണന്‍, വനിതാ വിഭാഗം ചെയര്‍പേര്‍സണ്‍ അനില ജിതേഷ്, കണ്‍വീനര്‍ വിദ്യ രാജന്‍, സുജ ഗോപകുമാര്‍, കന്നഡ അധ്യാപിക വിനുത തുടങ്ങിയവര്‍ സംബന്ധിച്ചു.
കര്‍ണാടക സര്‍ക്കാരിന്റെ കീഴിലുള്ള കന്നഡ വികസന അതോറിറ്റിയുടെ സഹകരണത്തോടെയാണ് ‘കന്നഡ കലിയോണ’ എന്ന പദ്ധതി നടപ്പാക്കുന്നത്.
മൂന്ന് മാസം നീണ്ടു നില്‍ക്കുന്ന പഠനം പൂര്‍ത്തിയാക്കുന്നവര്‍ക്ക് സര്‍ക്കാര്‍ സര്‍ട്ടിഫിക്കറ്റ്കള്‍ നല്‍കും. മലയാളികളെ കന്നഡ എഴുതാനും വായിക്കാനും സംസാരിക്കാനും പ്രാപ്തരാക്കുക എന്നതാണ് പദ്ധതിയുടെ ലക്ഷ്യം. എല്ലാ സോണുകളിലും പരിപാടി വ്യാപിപ്പിക്കാനാണ് പദ്ധതി തയാറാക്കിയിരിക്കുന്നതെന്ന് ജനറല്‍സെക്രട്ടറി റജികുമാര്‍ അറിയിച്ചു.
SUMMARY: Kerala Samajam Launches ‘Kannada Kaliyona’
