സ്വര്‍ണവിലയില്‍ വർധനവ്

തിരുവനന്തപുരം: സ്വര്‍ണവിലയില്‍ നേരിയ വർധനവ്. ഗ്രാമിന് 10 രൂപയും പവന് 80 രൂപയുമാണ് വര്‍ധിച്ചത്. ഇന്ന് ഒരു ഗ്രാം സ്വര്‍ണത്തിന് 6,945 രൂപയാണ്. ഒരു പവന് 55,560 രൂപയും. 18 കാരറ്റ് സ്വര്‍ണത്തിന് അഞ്ചു രൂപയാണ് കൂടിയത്. വെള്ളി വിലയില്‍ മാറ്റമൊന്നുമില്ലാതെ ഗ്രാമിന് 97 രൂപയില്‍ തുടരുന്നു.

ആഗോള തലത്തില്‍ സ്വര്‍ണത്തിനുണ്ടായ ഡിമാന്‍ഡില്‍ കുറവു വന്നതാണ് ഇക്കഴിഞ്ഞ ദിവസങ്ങളില്‍ വില കുറയാന്‍ കാരണം. നിലവില്‍ ആഗോള വിപണിയില്‍ ഔണ്‍സിന് 2,568 ഡോളറാണ് സ്വര്‍ണത്തിന്റെ വില. ഡിസംബറില്‍ 3,000 ഡോളറിലേക്ക് എത്തുമെന്ന് നിഗമനങ്ങളുണ്ടായിരുന്നെങ്കിലും പുതിയ ലോക സാഹചര്യങ്ങള്‍ ഇത്തരമൊരു അവസ്ഥയിലേക്ക് സ്വര്‍ണത്തെ എത്തിക്കില്ലെന്നാണ് ഇപ്പോഴത്തെ വിലയിരുത്തല്‍.

TAGS : GOLD RATES
SUMMARY : Gold rate is increased