ബെംഗളൂരു: നഗരത്തിലെ പ്രമുഖ സന്ദര്ശനകേന്ദ്രമായ കബ്ബൺ പാർക്കിലെത്തുന്ന സഞ്ചാരികൾക്കായി ഗൈഡ് സേവനം ഏര്പ്പെടുത്തി. എല്ലാ ശനിയാഴ്ചകളിലും ഞായറാഴ്ചകളിലും രാവിലെ 7.30 മുതൽ 9 വരെയാണ് ഗൈഡുകളുണ്ടാകുക. ഗൈഡഡ് നേച്ചർ വാക്ക് എന്ന് പേരിലുള്ള സംവിധാനം നേരത്തെ ലാൽബാഗ് ബൊട്ടാണിക്കൽ ഗാർഡനിൽ നടപ്പിലാക്കിയിട്ടുണ്ട്. ഹോർട്ടികൾച്ചർ വകുപ്പ്, ദി നാച്ചുറലിസ്റ്റ് സ്കൂൾ (ടിഎൻഎസ്), ബാംഗ്ലൂർ വാക്ക്സ് എന്നിവ സംയുക്തമായാണ് 90 മിനിറ്റ് ദൈര്ഘ്യമുള്ള ഗൈഡ് സംവിധാനം നടപ്പിലാക്കുന്നത്.
പര്ക്കിനകത്തെ പൈതൃകവൃക്ഷങ്ങൾ, ബ്രിട്ടീഷ് കാലഘട്ടം മുതലുള്ള തദ്ദേശീയവും വിദേശീയവുമായ സസ്യഇനങ്ങൾ, അപൂർവ പക്ഷികൾ, എന്നിവ അടക്കം കബ്ബനിലെ സവിശേഷതകള് ഗൈഡുകള് സഞ്ചാരികളുമായി പങ്കുവെക്കും. മുതിർന്നവർക്ക് 200 രൂപയും 10-17 പ്രായമുള്ള കുട്ടികൾക്ക് 50 രൂപയുമായിരിക്കും ടിക്കറ്റ് ചാർജ്. 10 വയസ്സിൽ താഴെയുള്ള കുട്ടികൾക്ക് സൗജന്യമാണ്. cubbonpark.in വെബ്സൈറ്റ് വഴിയോ [email protected] എന്ന ഇമെയിൽ വഴിയോ ടിക്കറ്റ് ബുക്ക് ചെയ്യാം.
SUMMARY: Experience history and biodiversity with a touch; Guide facility now available at Cubbon Park
WhatsApp
Telegram
