കോഴിക്കോട്: നാദാപുരത്ത് എംഡിഎംഎയുമായി യുവാവിനെയും യുവതിയെയും പോലീസ് അറസ്റ്റ് ചെയ്തു. വയനാട് സ്വദേശികളായ മുഹമ്മദ് ഇജാസ്, അഖില ( 26 ) എന്നിവരാണ് അറസ്റ്റിലായത്. കാറില് കടത്തുകയായിരുന്ന 32.62 ഗ്രാം എംഡിഎംഎ പിടികൂടി. ഇന്നലെ രാത്രി പേരോട് വാഹന പരിശോധനക്കിടയിലാണ് നാദാപുരം എസ് ഐ അനിഷ് വടക്കേടത്ത് ഇവരുവരെയും മയക്കുമരുന്നുമായി അറസ്റ്റ് ചെയ്തത്.
അക്രമാസക്തനായി പോലീസ് സ്റ്റേഷനില് നിന്നും ഇറങ്ങിയോടിയ പ്രതിയെ പോലീസ് ഓടിച്ചിട്ട് അതിസാഹസികമായി ആണ് പിടികൂടിയത്. കാർ പോലീസ് കസ്റ്റഡിയില് എടുത്തു. സ്റ്റേഷനില് വച്ച് ബഹളം വച്ച മുഹമ്മദ് സ്റ്റേഷനിലെ ഫർണീച്ചറുകള്ക്ക് കേടുപാടുകള് വരുത്തിയതായി പോലീസ് അറിയിച്ചു.ഇത് കൂടാതെ, സ്റ്റേഷനില് സൂക്ഷിച്ച വെള്ളം പോലീസുകാർക്ക് നേരെ ഒഴിക്കുകയും ചെയ്തു.
ഇതിന് പിന്നാലെ സ്ഷേനില് നിന്നും ഇയാള് ഇറങ്ങിയോടുകയായിരുന്നു. ബലം പ്രയോഗിച്ചാണ് ഇയാളെ പോലീസ് കീഴ്പ്പെടുത്തിയത്. പേരോട് വാഹനങ്ങള്ക്ക് സൈഡ് കൊടുക്കാതെ പ്രശ്നമുണ്ടാക്കിയതിനെ തുടർന്ന് പോലീസ് നടത്തിയ പരിശോധനയിലാണ് ഇവരുടെ കാറില് നിന്നും എംഡിഎംഎയും ചെറിയ ത്രാസും കണ്ടെടുത്തത്.
TAGS : KOZHIKOD | MDMA
SUMMARY : Kozhikode, young man and woman arrested with MDMA
WhatsApp
Telegram
