ബെംഗളൂരു: മലബാര്‍ മുസ്ലിം അസോസിയേഷന്‍ 90ാം വാര്‍ഷിക ആഘോഷത്തിന്റെ ഭാഗമായി ജനുവരി 26 ന് നേത്ര, ദന്തരോഗ പരിശോധന ക്യാമ്പ് നടക്കും. മൈസൂര്‍ റോഡിലെ സംഘടന ആസ്ഥാനമായ കര്‍ണാടക മലബാര്‍ സെന്റര്‍ ഓഡിറ്റോറിയത്തിലാണ് ക്യാമ്പ് നടക്കുന്നത്. ക്യാമ്പില്‍ ഡോക്ടര്‍ നിര്‍ദ്ദേശിക്കുന്ന രോഗികള്‍ക്ക് സൗജന്യ തിമിര ശസ്ത്രക്രിയയും പിന്നീട് ചെയ്തു കൊടുക്കും.
രാവിലെ 10 മുതല്‍ ഉച്ചക്ക് 2 മണി വരെയാണ് ക്യാമ്പ് നടക്കുക. മുന്‍കൂട്ടി പേര്‍ രജിസ്റ്റര്‍ ചെയ്ത് ടോക്കണ്‍ നമ്പര്‍ ലഭിച്ചവര്‍ക്കാണ് ക്യാമ്പില്‍ മുന്‍ഗണന ലഭിക്കുന്നത്. ഈ മാസം 20 വരെ രജിസ്‌ട്രേഷന്‍ സ്വീകരിക്കും.
ഫെബ്രുവരിയിലാണ് 90ാം വാര്‍ഷിക ആഘോഷം. അതിനോടനുബന്ധിച്ച് പല ബൃഹത്തായ പദ്ധതികളും നടപ്പാക്കുന്നുണ്ട്. നിര്‍ധന വിഭാഗങ്ങളുടെ ഉന്നമനം ലക്ഷ്യമാക്കി ഹ്രസ്വകാലം കൊണ്ട് പൂര്‍ത്തീകരിക്കുന്ന 9 ഇന കര്‍മ്മപദ്ധതി സമ്മേളനത്തില്‍ വെച്ച് പ്രഖ്യാപിക്കുമെന്നും ക്യാമ്പില്‍ പങ്കെടുക്കുന്നതിനുള്ള രജിസ്‌ട്രേഷനും കൂടുതല്‍ വിവരങ്ങള്‍ക്കും
9071120 120/9071140140 എന്നീ നമ്പരുകളില്‍ ബന്ധപ്പെടണമെന്നും
ജനറല്‍ സെക്രട്ടറി ടി.സി. സിറാജ് അറിയിച്ചു.
<BR>
TAGS : MALABAR MUSLIM ASSOCIATION
WhatsApp
Telegram
