മാസപ്പടി കേസില് എസ്എഫ്ഐഒയെ തടഞ്ഞ് ഡല്ഹി ഹൈക്കോടതി. അന്വേഷണത്തിന് എതിരെ സിഎംആർഎല് ഫയല് ചെയ്ത കേസില് തീർപ്പാകുന്നത് വരെ വിചാരണ കോടതിയിലെ നടപടികളുമായി എസ്എഫ്ഐഒ മുന്നോട്ട് പോകാതിരിക്കുന്നത് നീതി നിർവ്വഹണത്തിന് ഗുണം ചെയ്യുമെന്ന് കോടതി വ്യക്തമാക്കി.
സിഎംആർഎല് ഫയല് ചെയ്ത കേസില് തീർപ്പാകുന്നത് വരെ വിചാരണ കോടതിയിലെ നടപടികളുമായി എസ്എഫ്ഐഒ മുന്നോട്ട് പോകാതിരിക്കുന്നത് നീതി നിർവ്വഹണത്തിന് ഗുണം ചെയ്യുമെന്ന് ഡല്ഹി ഹൈക്കോടതി വ്യക്തമാക്കി. ഡല്ഹി ഹൈക്കോടതിയിലെ ജസ്റ്റിസ് സുബ്രമണ്യം പ്രസാദ് പുറത്തിറക്കിയ ഉത്തരവിന്റെ വിശദാംശങ്ങളാണ് പുറത്തുവന്നത്.
കേസില് അന്വേഷണ റിപ്പോർട്ട് ഫയല് ചെയ്തത് ആശയ വിനിമയത്തിലെ കുറവ് കാരണമാണെന്ന് അഡീഷണല് സോളിസിറ്റർ ജനറല് ചേതൻ ശർമ അറിയിച്ചതായും ഉത്തരവില് ചൂണ്ടിക്കാട്ടിയിട്ടുണ്ട്. സിഎംആർഎല് ഹർജിയില് തീർപ്പാകുന്നത് വരെ അന്വേഷണ റിപ്പോർട്ട് ഫയല് ചെയ്യില്ലെന്ന് കോടതിക്ക് വാക്കാൻ നല്കിയ ഉറപ്പ് എന്തുകൊണ്ട് പാലിച്ചില്ലെന്ന് ജസ്റ്റിസ് സുബ്രമണ്യം പ്രസാദ് ബുധനാഴ്ച ചോദിച്ചിരുന്നു.
മുതിര്ന്ന അഭിഭാഷകര് വാക്കാല് നല്കുന്ന ഉറപ്പുകള് കോടതികള് മുഖവിലയ്ക്ക് എടുക്കാറുണ്ടെന്നും കോടതി വ്യക്തമാക്കി. ഇക്കാര്യം രേഖപ്പെടുത്തി വീണ്ടും കേസ് ചീഫ് ജസ്റ്റിസിന് തിരിച്ചയയ്ക്കുകയും ചെയ്തിരുന്നു.
TAGS : VEENA VIJAYAN
SUMMARY : Monthly payment case; Delhi High Court stays further proceedings
WhatsApp
Telegram
